ചോറിനൊപ്പം സ്വദേറും അയല ഇരുമ്പൻപുളി കറി; സൂപ്പര്‍ റെസിപ്പി

1. അയല – മൂന്ന്

2. ഇരുമ്പൻപുളി നീളത്തിൽ മുറിച്ചത് – അരക്കപ്പ്

3. വെളിച്ചെണ്ണ – മൂന്നു വലിയ സ്പൂൺ

4. സവാള – ഒരു വലുത്, നീളത്തിൽ അരിഞ്ഞത്

ഇഞ്ചി – ഒരു കഷണം, നീളത്തിൽ അരിഞ്ഞത്

പച്ചമുളക് – അഞ്ച്, നീളത്തിൽ കീറിയത്

5. മല്ലിപ്പൊടി – രണ്ടു വലിയ സ്പൂൺ

മുളകുപൊടി – ഒരു വലിയ സ്പൂൺ

മഞ്ഞൾപ്പൊടി – അര ചെറിയ സ്പൂൺ

6. തേങ്ങ ചുരണ്ടിപ്പിഴിഞ്ഞെടുത്ത ഒന്നാം പാൽ – ഒരു കപ്പ്

രണ്ടാം പാൽ – രണ്ടരക്കപ്പ്

7. ഉപ്പ് – പാകത്തിന്

8. കടുക് – ഒരു ചെറിയ സ്പൂൺ

വറ്റൽമുളക് – രണ്ട്, കഷണങ്ങളാക്കിയത്

കറിവേപ്പില – രണ്ടു തണ്ട്

കശ്മീരി മുളകുപൊടി – കാൽ ചെറിയ സ്പൂൺ

പാകം ചെയ്യുന്ന വിധം

∙ അയല വൃത്തിയാക്കി മുഴുവനോടെയോ ചെറിയ കഷണങ്ങളാക്കിയോ വയ്ക്കണം.

∙ ഇരുമ്പൻപുളി അരിഞ്ഞു വയ്ക്കുക.

∙ രണ്ടു വലിയ സ്പൂൺ വെളിച്ചെണ്ണ ചൂടാക്കി നാലാമത്തെ ചേരുവ വഴറ്റണം.

∙ നന്നായി വഴന്ന ശേഷം അഞ്ചാമത്തെ ചേരുവ മയത്തി ൽ അരച്ചതു ചേർത്തു വഴറ്റുക.

∙ പച്ചമണം മാറുമ്പോൾ രണ്ടാംപാലും പാകത്തിനുപ്പും ചേർത്തു തിളയ്ക്കുമ്പോൾ മീനും ഇരുമ്പൻപുളിയും ചേർത്തു തിളപ്പിക്കുക.

∙ വെന്ത ശേഷം ഒന്നാംപാലും ചേർത്തു തിളയ്ക്കുമ്പോ ൾ വാങ്ങി വയ്ക്കുക.

∙ ബാക്കി  വെളിച്ചെണ്ണ ചൂടാക്കി എട്ടാമത്തെ ചേരുവ മൂ പ്പിച്ചു കറിയിൽ ചേർത്തു വിളമ്പാം.