ബാക്കി വന്ന സാൻവിച്ച് ദേ ഇങ്ങനെയാക്കാം; സ്വാദേറും തൈരു സാൻവിച്ച്, സൂപ്പര്‍ വിഭവം Curd Sandwich Recipe

1.    ബാക്കി വന്ന പുതിന സാൻവിച്ച് 

2.    എണ്ണ – ഒരു വലിയ സ്പൂൺ

    കടുക് – കാൽ ചെറിയ സ്പൂൺ

    ഉഴുന്ന് – ഒരു ചെറിയ സ്പൂൺ

3.    വറ്റൽമുളക് – മൂന്ന്, ഓരോന്നും         മൂന്നു കഷണങ്ങളാക്കിയത്

    ചുവന്നുള്ളി അരിഞ്ഞത്         – ഒരു വലിയ സ്പൂൺ

    കറിവേപ്പില – കുറച്ച്

4.    തൈര്, അധികം പുളിയില്ലാത്തത്         – പാകത്തിന്

5.    പഞ്ചസാര – ഒരു നുള്ള്

6.    കട്ടിമോര് – പാകത്തിന്

7.    മല്ലിയില അരിഞ്ഞത്, മുളകുപൊടി

    – അര െചറിയ സ്പൂൺ

പാകം ചെയ്യുന്ന വിധം

∙    ബാക്കി വന്ന സാൻവിച്ച് ഫോയിലിൽ പൊതിഞ്ഞു ഫ്രിഡ്ജിൽ വച്ചു തണുപ്പിച്ചു പുറത്തെടുത്തു ചതുരാകൃതിയിലോ ത്രികോണാകൃതിയിലോ മുറിച്ചു മാറ്റി വയ്ക്കുക. 

∙    പാനിൽ എണ്ണ ചൂടാക്കി കടുകു മൂപ്പിച്ച ശേ ഷം ഉഴുന്നു ചേർത്തു വഴറ്റി ഇളം ബ്രൗൺ നിറമാകുമ്പോൾ മൂന്നാമത്തെ ചേരുവ ചേർത്തു വഴറ്റണം. ഇതിലേക്ക് അടിച്ചു വച്ചിരിക്കുന്ന തൈരും ഒരു നുള്ള് പഞ്ചസാരയും പാകത്തിനുപ്പും ചേർത്തിളക്കുക.

∙    പാത്രത്തിൽ സാൻവിച്ച് നിരത്തി കുതിരാൻ പാകത്തിനു കട്ടിമോരു തളിക്കുക.

∙    മുകളിൽ തൈരു മിശ്രിതം നിരത്തി മല്ലിയിലയും മുളകുപൊടിയും വിതറി ഫ്രിഡ്ജില്‍ വച്ചു തണുപ്പിച്ചു വിളമ്പാം. 

റെസിപ്പികള്‍ക്ക് കടപ്പാട്- Bina Mathew