മൂന്നു രീതിയില്‍, മൂന്നു വ്യത്യസ്ത രുചിയില്‍; പെര്‍ഫക്ട് പാസ്ത ഇങ്ങനെ തയാറാക്കാം Pasta Recipes

റിഗാറ്റോണി അൽ ഫോർനോ 

1.    എണ്ണ – അര വലിയ സ്പൂൺ

2.    ചിക്കൻ ഹേർബ്ഡ് ‌ സോസേജ്         – മൂന്ന്, ചെറിയ 

    ചതുരക്കഷണങ്ങളാക്കിയത്

3.    വെളുത്തുള്ളി ചതച്ചത്         – ഒരു ചെറിയ സ്പൂൺ

    പെരുംജീരകം ചതച്ചത്         – അര ചെറിയ സ്പൂൺ

    റോസ്മേരി പൊടിയായി അരിഞ്ഞത്         – ഒരു ചെറിയ സ്പൂൺ

4.    തക്കാളി – 400 ഗ്രാം,         ചെറുതായി അരിഞ്ഞത്

    ഉപ്പ് – പാകത്തിന് 

5.    റിഗാറ്റോണി – 150 ഗ്രാം

6.    മൊസെറല്ല – ഒരു ചെറിയ ബോൾ,         ചതുരക്കഷണങ്ങളാക്കിയത്

    ഗ്രാനാ പഡാനോ ഗ്രേറ്റ് ചെയ്തത്         – ഒരു വലിയ സ്പൂൺ 

പാകം ചെയ്യുന്ന വിധം

∙    നോൺ‌സ്റ്റിക് പാനിൽ എണ്ണ ചൂടാക്കി സോ സേജ് വറുക്കുക. ബ്രൗൺ നിറമാകുമ്പോൾ മൂന്നാമത്തെ ചേരുവ ചേർത്തു അല്പനേരം  വഴറ്റണം.

∙    ഇതിലേക്കു തക്കാളിയും പാകത്തിനുപ്പും ചേ ർത്തു ചെറുതീയിൽ 20 മിനിറ്റ് തിളപ്പിക്കുക. സോസ് കുറുകി വരണം.

∙    പാസ്ത പായ്ക്കറ്റിൽ പറഞ്ഞിരിക്കുന്ന പ്രകാ രം വേവിച്ചു വെള്ളം ഊറ്റി മാറ്റി വയ്ക്കുക. വെന്തു കുഴഞ്ഞു പോകരുത്.

∙    വേവിച്ച പാസ്തയും തയാറാക്കിയ സോസും യോജിപ്പിച്ച് ഒരു ബേക്കിങ് ട്രേയിലാക്കി മുകളിൽ ആറാമത്തെ ചേരുവ വിതറി ചൂടാക്കിയിട്ടിരിക്കുന്ന അവ്നില്‍‍ വച്ച് 20–30 മിനിറ്റ് ബേക്ക് െചയ്യുക. തിള വന്നു ഗോൾഡൻ ബ്രൗ ൺ നിറമാകുന്നതാണു കണക്ക്.

പാസ്ത സലാമിക്കൊപ്പം

1.    ട്യൂബ് പാസ്ത – 300 ഗ്രാം

2.    ഒലിവ് ഓയിൽ – പാകത്തിന്

    സലാമി – 15 സ്ലൈസ്,         നീളത്തിൽ മുറിച്ചത്

3.    കാൻഡ് ടുമാറ്റോസ് – 400 ഗ്രാം

4.    വെണ്ണ – 30 ഗ്രാം

5.    കാൻഡ് ബേക്ക്ഡ് ബീൻസ്        – 400 ഗ്രാം

6.    മല്ലിയില പൊടിയായി അരിഞ്ഞത്        – മൂന്നു–നാലു വലിയ സ്പൂൺ

പാകം ചെയ്യുന്ന വിധം

∙    പാസ്ത വേവിച്ചൂറ്റി മാറ്റി വയ്ക്കുക.

∙    പാനിൽ എണ്ണ ചൂടാക്കി സലാമി ചേർത്തു ര ണ്ടു മിനിറ്റ് വറുക്കുക. ഇതിലേക്കു തക്കാളി യും അല്പം വെള്ളവും ഉപ്പും ചേർക്കുക. 

∙    വെണ്ണയും ബേക്ക്ഡ് ബീൻസും ചേർത്തു വേ വിച്ച ശേഷം പാസ്തയും ആവശ്യമെങ്കിൽ പാ സ്ത വേവിച്ച വെള്ളവും കുറച്ചു ചേർത്തു യോജിപ്പിക്കുക.

∙    മല്ലിയില കൊണ്ട് അലങ്കരിച്ചു വിളമ്പാം.

കലമാരി പാസ്ത

1.    പാസ്ത – 500 ഗ്രാം

2.     ഇളം കൂന്തൽ  – അരക്കിലോ

3.    ഒലിവ് ഒായിൽ – 30 മില്ലി

4.    സ്പ്രിങ് അണിയന്‍ – നാല്,         ചെറുതായി അരിഞ്ഞത്

     വെളുത്തുള്ളി         –  ഒരു അല്ലി, അരിഞ്ഞത്        പച്ചമുളക് – ഒന്ന്, അരിഞ്ഞത്

5.    ‍ഡ്രൈ വൈറ്റ് വൈൻ – 125 മില്ലി

6.    പാസ്ത വേവിച്ച വെള്ളം – 60 മില്ലി

    വെണ്ണ – 15 ഗ്രാം

7.    പാഴ്സ്‌ലി അരിഞ്ഞത് – ഒരു പിടി

പാകം ചെയ്യുന്ന വിധം

∙    പാസ്ത വേവിച്ച് ഉൗറ്റി മാറ്റി വയ്ക്കുക.

∙    കൂന്തൽ വൃത്തിയാക്കി ഒരു സെന്റിമീറ്റർ കനമുള്ള വളയങ്ങളായി മുറിച്ചു വയ്ക്കുക.

∙    പാനിൽ ഒലിവ് ഓയിൽ ചൂടാക്കി നാലാമ ത്തെ ചേരുവ  വഴറ്റുക. ഇതിലേക്കു കൂന്തൽ ചേർത്തു രണ്ടു മിനിറ്റ് വഴറ്റി വൈറ്റ് വൈനും ഉപ്പും ചേർത്തു തിളപ്പിക്കുക. പാസ്ത വേവിച്ച വെള്ളവും വെണ്ണയും ചേര്‍ക്കുക.

∙    ഇതിലേക്കു വേവിച്ചു വച്ചിരിക്കുന്ന പാസ്ത ചേർത്തു നന്നായി യോജിപ്പിച്ചു പാഴ്സ്‌ലി അ രിഞ്ഞതും വിതറി വിളമ്പാം.

റെസിപ്പികള്‍ക്ക് കടപ്പാട്- നീന രാജ്, കൊച്ചി