ലെമൺ ചിക്കൻ കാസറോൾ ഉണ്ടെങ്കിൽ ഇനി സ്റ്റാർട്ടർ രുചികരമാക്കാം

ആവശ്യമായ ചേരുവകൾ

1.  ഒലിവ് ഓയിൽ – ഒരു വലിയ സ്പൂൺ

2.  ചിക്കന്റെ തുടഭാഗം – 6   

അല്ലെങ്കിൽ 

ചിക്കന്റെ നെഞ്ചുഭാഗം – 4 

3.  ഉപ്പ്, കുരുമുളകുപൊടി – പാകത്തിന്

4.  വെളുത്തുള്ളി –  അഞ്ച് അല്ലി

5.  സവാള – ഒരു വലുത്, അരിഞ്ഞത്

6. സ്വീറ്റ് പാപ്‌രികപൗഡർ   – രണ്ടു വലിയ സ്പൂൺ

    മൈദ – രണ്ടു വലിയ സ്പൂൺ

7.  നാരങ്ങാനീര്, നാരങ്ങത്തൊലി ചുരണ്ടിയത് – ഒരു നാരങ്ങയുടേത് 

   തൈം – ആവശ്യത്തിന് 

8.  ചിക്കൻ സ്റ്റോക്ക് – അര ലീറ്റർ

പാകം ചെയ്യുന്ന വിധം

∙  അവ്ൻ 220 ഡിഗ്രി സെൽഷ്യസിൽ ചൂടാക്കിയിടുക. 

∙   പാനിൽ ഒലിവ് ഓയിൽ ചൂടാക്കി ചിക്കൻ കഷ്ണങ്ങൾ ചേർക്കുക. ഇതിൽ ഉപ്പും കുരുമുളകുപൊടിയും ചേർത്ത് ചിക്കന്റെ ഇരുവശങ്ങളും ബ്രൗൺ നിറമാക്കുക.

‌∙  ചിക്കൻ കോരി മാറ്റിയ ശേഷം വെളുത്തുള്ളി ചേർത്തു വഴറ്റുക. ഗോൾഡൻ ബ്രൗൺ നിറമാകുമ്പോൾ സവാള ചേർത്ത് ഒരു മിനിറ്റ് വഴറ്റുക. ഇതിലേക്കു മൈദയും സ്വീറ്റ് പാപ്‌രികയും ചേർത്ത് വീണ്ടും ഒരു മിനിറ്റ് വഴറ്റിയ ശേഷം ഏഴാമത്തെ ചേരുവ ചേർത്തിളക്കുക.

∙   ഇതിലേക്ക് സ്റ്റോക്ക് ഒഴിച്ച ശേഷം ചിക്കൻ കഷണങ്ങളും ചേർത്തു തിളപ്പിക്കുക. ഇത് ഒരു അവ്ൻ പ്രൂഫ് ഡിഷിലേക്കു മാറ്റിയ ശേഷം മൂടി വച്ച് ഏകദേശം 40 മിനിറ്റ് ബേക്ക് ചെയ്യുക.

∙ ഉരുളക്കിഴങ്ങു പുഴുങ്ങി ഉടച്ചതിനും വേവിച്ച പച്ചക്കറികൾ വെണ്ണയിൽ വഴറ്റിയതിനും ഒപ്പമോ ബട്ടർ റൈസിനും പച്ചക്കറികൾക്കും ഒപ്പമോ വിളമ്പാം.

Anila Ninan, Kochi