ചില്ലി ഗാർലിക് പനീർ
1.പനീർ – 200 ഗ്രാം
2.കോൺഫ്‌ളോർ – രണ്ടു വലിയ സ്പൂൺ
ഉപ്പ്, കുരുമുളകുപൊടി – പാകത്തിന്
3.എണ്ണ – രണ്ടു വലിയ സ്പൂൺ
4.വെളുത്തുള്ളി പൊടിയായി അരിഞ്ഞത് – രണ്ടു വലിയ സ്പൂൺ
5.സവാള ചതുരക്കഷണങ്ങളാക്കിയത് – ഒരു കപ്പ്
കാപ്സിക്കം (ചുവപ്പ്, പച്ച) ചതുരക്കഷണങ്ങളാക്കിയത് – കാൽ കപ്പ് വീതം
സ്പ്രിങ് അണിയൻ, അരിഞ്ഞത് – രണ്ടു വലിയ സ്പൂൺ
സോസിന്
6.സോയ സോസ് – ഒരു വലിയ സ്പൂൺ
ചില്ലി ഗാർലിക് സോസ് – ഒരു വലിയ സ്പൂൺ
തേൻ – അര ചെറിയ സ്പൂൺ
വിനാഗിരി – അര ചെറിയ സ്പൂൺ
കോൺഫ്‌ളോർ – അര വലിയ സ്പൂൺ
വെള്ളം – അരക്കപ്പ്
ഉപ്പ്, കുരുമുളകുപൊടി – പാകത്തിന്
പാകം ചെയ്യുന്ന വിധം
∙പനീർ ചതുരക്കഷണങ്ങളാക്കി മുറിച്ചു രണ്ടാമത്തെ ചേരുവ പുരട്ടി വയ്ക്കുക.
∙പാനിൽ ഒരു വലിയ സ്പൂൺ എണ്ണ ചൂടാക്കി പനീർ തിരിച്ചും മറിച്ചുമിട്ടു വറുത്തു മാറ്റി വയ്ക്കുക.
∙ഇതേ പാനിൽ ബാക്കി എണ്ണ ചൂടാക്കി വെളുത്തുള്ളി വഴറ്റണം.
∙ഇതിലേക്ക് അഞ്ചാമത്തെ ചേരുവ ചേർത്തു മൂന്നു മിനിറ്റു വഴറ്റുക.
∙ആറാമത്തെ ചേരുവ യോജിപ്പിച്ചു സോസ് തയാറാക്കി പാനിൽ ഒഴിച്ച് തിളപ്പിക്കണം.
∙കുറുകുമ്പോൾ വറുത്തു വച്ചിരിക്കുന്ന പനീർ ചേർത്തിളക്കി വാങ്ങുക.
∙സ്പ്രിങ് അണിയൻ കൊണ്ട് അലങ്കരിച്ചു വിളമ്പാം.
