കുക്കുമ്പർ റൈത്ത
1. അധികം പുളിയില്ലാത്ത കട്ടത്തൈര് - രണ്ടു കപ്പ്
ജീരകം വറുത്തു പൊടിച്ചത് - ഒരു ചെറിയ സ്പൂൺ
പഞ്ചസാര - ഒരു ചെറിയ സ്പൂണ്‍
2. സാലഡ് വെള്ളരി - ഒരു വലുത്
3. മല്ലിയില പൊടിയായി അരിഞ്ഞത് - കുറച്ച്
ഉപ്പ് - പാകത്തിന്
4. മുളകുപൊടി - അലങ്കരിക്കാൻ
പാകം ചെയ്യുന്ന വിധം
∙ തൈര് ഒരു ബൗളിലാക്കി ജീരകവും പഞ്ചസാരയും ചേർത്തു നന്നായി അടിച്ചു മയപ്പെടുത്തി വയ്ക്കണം.
∙ വെള്ളരിക്കയുടെ പകുതി ഗ്രേറ്റ് ചെയ്യണം. ബാക്കി പകുതി ചെറിയ കഷണങ്ങളായി അരിഞ്ഞു വയ്ക്കണം.
∙ തൈരിൽ ഗ്രേറ്റ് ചെയ്ത വെള്ളരിക്ക ചേർത്തിളക്കിയ ശേഷം കഷണങ്ങളാക്കിയ വെള്ളരിക്കയും മല്ലിയിലയും ഉപ്പും ചേർത്തു നന്നായി യോജിപ്പിക്കുക.
∙ മുളകുപൊടി വിതറി അലങ്കരിച്ചു വിളമ്പുക.
