പാലക് ചീരയില പച്ചടി
1.തേങ്ങ ചുരണ്ടിയത് – ഒരു കപ്പ്
ഇഞ്ചി – ഒരു ചെറിയ കഷണം
പച്ചമുളക് – രണ്ട്
2.തൈര് – ഒരു കപ്പ്
3.തക്കാളി – ഒന്ന്
4.പാലക് ചീരയില പൊടിയായി അരിഞ്ഞത് – കാൽ കപ്പ്
ഉപ്പ് – പാകത്തിന്
5.വെളിച്ചെണ്ണ – പാകത്തിന്
6.കടുക് – മുക്കാൽ ചെറിയ സ്പൂൺ
വറ്റൽമുളക് – ഒന്ന്
ഉഴുന്നുപരിപ്പ് – അക ചെറിയ സ്പൂൺ
കറിവേപ്പില – രണ്ടു തണ്ട്
പാകം ചെയ്യുന്ന വിധം
ഒന്നാമത്തെ ചേരുവ അരച്ചു തൈരിൽ കലക്കണം. തക്കാളി പൊടിയായി അരിഞ്ഞതും പാകത്തിനുപ്പും ചീരയില വേവിച്ചു മിക്സിയിൽ അരച്ചതും ചേർത്തിളക്കുക.
വെളിച്ചെണ്ണ ചൂടാക്കി ആറാമത്തെ ചേരുവ മൂപ്പിച്ചു പച്ചടിയിൽ ചേർക്കണം.