ഉരുളക്കിഴങ്ങ് തക്കാളിക്കറി
1.ഉരുളക്കിഴങ്ങ് – അരക്കിലോ
2.സവാള – കാൽ കിലോ, അരിഞ്ഞത്
തക്കാളി – കാൽ കിലോ, അരിഞ്ഞത്
3.എണ്ണ – രണ്ടു വലിയ സ്പൂൺ
4.പെരുംജീരകം – കാൽ ചെറിയ സ്പൂൺ
കറുവാപ്പട്ട – ഒരിഞ്ചു കഷണം, രണ്ടാക്കിയത്
ഗ്രാമ്പൂ – മൂന്ന്
കറിവേപ്പില – കുറച്ച്
5.മുളകുപൊടി – ഒന്നു, രണ്ടു ചെറിയ സ്പൂൺ
മഞ്ഞൾപൊടി – കാൽ ചെറിയ സ്പൂൺ
6.പഞ്ചസാര – ഒരു ചെറിയ സ്പൂൺ
ഉപ്പ് – പാകത്തിന്
ചെറുനാരങ്ങാനീര് – ഒരു വലിയ സ്പൂൺ
7.മല്ലിയില – കുറച്ച്
പാകം ചെയ്യുന്ന വിധം
∙ഉരുളക്കിഴങ്ങു തൊലി കളഞ്ഞു ചെറിയ കഷണങ്ങളാക്കി വേവിച്ചു വയ്ക്കണം. സവാളയും തക്കാളിയും അരിഞ്ഞതു വെവ്വേറെ അരച്ചു വയ്ക്കണം.
∙എണ്ണ ചൂടാകുമ്പോൾ നാലാമത്തെ ചേരുവ ചേർത്തു വഴറ്റി മണം വരുമ്പോൾ സവാള അരച്ചതും ചേർത്തു വഴറ്റുക.
∙ഇതിലേക്കു മുളകുപൊടിയും മഞ്ഞൾപൊടിയും ചേർത്തു വഴറ്റിയശേഷം തക്കാളി അരച്ചതും ചേർത്തു വഴറ്റുക. എണ്ണതെളിയുമ്പോൾ വേവിച്ചു വച്ചിരിക്കുന്ന ഉരുളക്കിഴങ്ങു ചേർത്തു മെല്ലേ ഇളക്കുക. ഇതിൽ ഉപ്പും പഞ്ചസാരയും നാരങ്ങാനീരും ചേർത്തിളക്കി ചെറുതീയിൽ അഞ്ചു മിനിറ്റ് തിളപ്പിക്കണം.
∙മുകളിൽ മല്ലിയില വിതറി ചൂടോടെ വിളമ്പാം.
കടപ്പാട്
അമ്മു മാത്യൂ