ഷെസ്‌വാൻ പനീർ
1.പനീർ – 100 ഗ്രാം, ചതുരക്കഷണങ്ങളാക്കിയത്
2.ഉപ്പ്, കുരുമുളകുപൊടി – പാകത്തിന്
കശ്മീരി മുളകുപൊടി – ഒരു ചെറിയ സ്പൂൺ
3.വെണ്ണ – ഒരു വലിയ സ്പൂൺ
4.എണ്ണ – ഒരു വലിയ സ്പൂൺ
5.വെളുത്തുളളി, പൊടിയായി അരിഞ്ഞത് – ഒരു വലിയ സ്പൂൺ
6.സവാള – ഒന്ന്, ചതുരക്കഷണങ്ങളാക്കിയത്
കാപ്സിക്കം – ഒന്ന്, ചതുരക്കഷണങ്ങളാക്കിയത്
7.കശ്മീരി മുളകുപൊടി – അര ചെറിയ സ്പൂൺ
ഷെസ്‌വാൻ സോസ് – മൂന്നു വലിയ സ്പൂൺ
റെഡ് ചില്ലി സോസ് – ഒരു വലിയ സ്പൂൺ
വറ്റൽമുളക് ചതച്ചത് – അര ചെറിയ സ്പൂൺ
8.ഉപ്പ് – പാകത്തിന്
9.സ്പ്രിങ് അണിയൻ – അലങ്കരിക്കാൻ
പാകം ചെയ്യുന്ന വിധം
∙പനീറിൽ രണ്ടാമത്തെ ചേരുവ യോജിപ്പിച്ച് അരമണിക്കൂർ വച്ചതിനു ശേഷം ചൂടായ വെണ്ണയിൽ തിരിച്ചും മറിച്ചുമിട്ടു വറുത്തു കോരി മാറ്റി വയ്ക്കുക.
∙പാനിൽ എണ്ണ ചൂടാക്കി വെളുത്തുള്ളി വഴറ്റണം.
∙ഗോൾഡൻ നിറമാകുമ്പോൾ ആറാമത്തെ ചേരുവ ചേർത്തു മൂന്നു മിനിറ്റു വഴറ്റണം.
∙ഏഴാമത്തെ ചേരുവ ചേർത്തു വഴറ്റി പച്ചമണം മാറുമ്പോൾ വറുത്തു വച്ച പനീറും ചേർത്തിളക്കി ഉപ്പു പാകത്തിനാക്കി വാങ്ങാം.
∙സ്പ്രിങ് അണിയൻ കൊണ്ട് അലങ്കരിച്ച വിളമ്പാം.
