വിഷുക്കട്ട മുതല്‍ മാമ്പഴ പ്രഥമന്‍ വരെ... രുചിസമൃദ്ധിയില്‍ വിഷുപ്പുലരി; തൊടിയിലെ വിഭവങ്ങള്‍ കൊണ്ട് സൂപ്പര്‍ വിഷുസദ്യ Homemade Vishu Sadya Recipes from Your Garden

കാര്‍ഷികോത്സവമായ വിഷു രുചി ഗംഭീരമാക്കാന്‍ തൊടിയിലെ വിഭവങ്ങള്‍ കൊണ്ടു തയാറാക്കാം വിഷുസദ്യ... 

>> വിഷുക്കട്ട

1. ഉണക്കലരി – അരക്കപ്പ്‌
2. തേങ്ങയുടെ രണ്ടാംപാൽ – ഒന്നരക്കപ്പ്‌
3. ഒന്നാംപാൽ – ഒരു കപ്പ്‌
ഉപ്പ് – പാകത്തിന്
ജീരകം പൊടിച്ചത് – കാല്‍ ചെറിയ സ്പൂണ്‍
4. തേങ്ങ ചുരണ്ടിയത് – അരക്കപ്പ്‌

പാകം െചയ്യുന്ന വിധം

∙ വാഴയിലയിലോ  പരന്ന പ്ലേറ്റിലോ നെയ്യോ  വെളിച്ചെണ്ണയോ  പുരട്ടി വയ്ക്കണം.

∙ അരി രണ്ടാംപാലിൽ വേവിക്കുക. ചോറ്  മുക്കാൽ ഭാഗത്തോളം വെന്തു കഴിഞ്ഞാൽ  ഒന്നാംപാലും ഉപ്പും ജീരകം പൊടിച്ചതും ചേർത്ത് ഇളക്കണം.

∙ പാത്രത്തിൽ നിന്നു വിട്ട് വെള്ളം വറ്റി കട്ട പിടിച്ചു വരുമ്പോൾ തീ കുറച്ചു തേങ്ങ ചുരണ്ടിയത് ചേർത്തിളക്കി അടുപ്പിൽ നിന്നു വാങ്ങാം.

∙ വാങ്ങിയ ഉടനെ ചൂടോടെ ഇലയിലേക്കു മാറ്റി ഒരുപോലെ പരത്തി എടുക്കുക.  മൃദുവായി പരത്താൻ ഇടയ്ക്ക് തേങ്ങാപ്പാൽ മുകളിൽ തൂവി അരയിഞ്ച് കനത്തിൽ ഒരു പോലെ പരത്തി എടുക്കാം.

∙ ചൂടാറിയാൽ കഷണങ്ങളാക്കി വിളമ്പാം.

>> ഉണ്ണിപ്പിണ്ടി പച്ചടി

1. വാഴപ്പിണ്ടി അരിഞ്ഞത് – അരക്കപ്പ്
ഉപ്പ് – പാകത്തിന്
2. തേങ്ങ – കാല്‍ മുറി, ചുരണ്ടിയത്
പച്ചമുളക് – മൂന്ന്
ജീരകം, കടുക് – കാൽ ചെറിയ സ്‌പൂൺ വീതം
3. തൈര് അടിച്ചത് – മുക്കാൽ കപ്പ്
4. വെളിച്ചെണ്ണ – ഒരു വലിയ സ്പൂണ്‍
5. കടുക്–  അര ചെറിയ സ്പൂൺ
വറ്റൽമുളക് – രണ്ട്
കറിവേപ്പില – രണ്ടു തണ്ട്

പാകം െചയ്യുന്ന വിധം

∙ വാഴപ്പിണ്ടി അല്‍പം ഉപ്പും വെള്ളവും ചേർത്ത് ഒ ന്നു വേവിക്കുക.

∙ രണ്ടാമത്തെ ചേരുവ മയത്തില്‍ അരയ്ക്കണം.

∙ പകുതി വേവിച്ച വാഴപ്പിണ്ടിയിലേക്ക് അരപ്പു ചേർത്തിളക്കി ഒന്നു തിളച്ചാൽ തൈര് അടിച്ചതു ചേർക്കുക. പിന്നീട് തിളപ്പിക്കരുത്.

∙ ചീനച്ചട്ടിയില്‍ വെളിച്ചെണ്ണ ചൂടാക്കി അഞ്ചാമത്തെ ചേരുവ താളിച്ചു ചേർക്കുക.

>> ഇരുമ്പന്‍പുളി ഇഞ്ചന്‍പുളി  ‍

1. ഇരുമ്പൻപുളി – അരക്കിലോ
2. ശർക്കര – മൂന്ന് അച്ച്
3. മുളകുപൊടി – അര  ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
4. വെളിച്ചെണ്ണ – പാകത്തിന്
5. ഇഞ്ചി അരിഞ്ഞത് – മൂന്നു ചെറിയ സ്പൂൺ
പച്ചമുളക് അരിഞ്ഞത് – രണ്ടു ചെറിയ സ്പൂൺ
കറിവേപ്പില – പാകത്തിന്
6. കായംപൊടി – ഒരു നുള്ള്
7. കടുക് – അര ചെറിയ സ്പൂൺ
ഉലുവ – കാൽ ചെറിയ സ്പൂൺ
വറ്റൽമുളക് – മൂന്ന്

പാകം െചയ്യുന്ന വിധം

∙ ഇരുമ്പൻപുളി കഷണങ്ങളാക്കി കുറച്ചു നേരം വെള്ളത്തിൽ ഇട്ടു വച്ച്  കറ കളഞ്ഞെടുക്കുക.

∙ പുളി നല്ലപൊലെ അരച്ചെടുക്കുകയോ അടിച്ചു പിഴിഞ്ഞു നീരെടുക്കുകയോ ചെയ്യാം.

∙ ഒരു ചട്ടിയില്‍ പുളി അരച്ചതും ശർക്കരയും ചേർത്തിളക്കി തിളപ്പിക്കുക. വെള്ളം  വറ്റി  വരുമ്പോൾ  മൂന്നാമത്തെ ചേരുവ ചേർത്ത്  ഇളക്കിയെടുക്കണം. വെള്ളം ന ന്നായി വറ്റി നിറം മാറി കുറുകി വരണം.

∙ മറ്റൊരു പാനിൽ ഇത്തിരി വെളിച്ചെണ്ണ ചൂടാക്കി അ ഞ്ചാമത്തെ ചേരുവ ഒന്നു മൊരിയിച്ചെടുക്കുക.

∙ ഇത്  പുളിമിശ്രിതത്തിൽ ചേർത്തിളക്കി യോജിപ്പിക്കാം. കായംപൊടിയും ചേര്‍ത്തു വാങ്ങി വെളിച്ചെണ്ണയില്‍ ഏഴാമത്തെ ചേരുവ താളിച്ചതു ചേര്‍ത്തു വിളമ്പാം.

>> ഇടിച്ചക്ക ചെറുപയര്‍ തോരന്‍  

1. ഇടിച്ചക്ക – അരക്കിലോ
2. ഉപ്പ് – പാകത്തിന്
3. ചെറുപയർ – അരക്കപ്പ്‌
4. ചുവന്നുള്ളി – എട്ട്
വെളുത്തുള്ളി – 12 അല്ലി
വറ്റൽമുളക് – ആറ്
5. വെളിച്ചെണ്ണ – പാകത്തിന്
6. കടുക് – അര ചെറിയ സ്പൂൺ
7. മഞ്ഞൾപ്പൊടി – കാൽ ചെറിയ സ്പൂൺ
8. കറിവേപ്പില – മൂന്നു തണ്ട്
തേങ്ങ ചുരണ്ടിയത്– അരക്കപ്പ്‌

പാകം െചയ്യുന്ന വിധം

∙ ഇടിച്ചക്ക  തൊലി കളഞ്ഞു കഷണങ്ങളാക്കി,  ഉപ്പു ചേർത്തു വേവിച്ചെടുക. ഉടഞ്ഞു പോകരുത്.

∙ വെള്ളം കളഞ്ഞ ശേഷം ഇടികല്ലു കൊണ്ട് ചതച്ചെടുക്കുകയോ മിക്സിയുടെ ജാറിൽ ഒന്നു കറക്കിയെടുക്കുകയോ ചെയ്യുക.

∙ ചെറുപയർ  ഉപ്പു ചേർത്ത് ഉടഞ്ഞു പോകാതെ വേവിച്ചെടുക്കണം.

∙ ചുവന്നുള്ളി,  വെളുത്തുള്ളി,  വറ്റൽമുളക് എന്നിവ  ച തച്ചു വയ്ക്കുക.

∙ ചട്ടിയില്‍ വെളിച്ചെണ്ണ ചൂടാക്കി കടുകു പൊട്ടിച്ച ശേ ഷം ചതച്ച മിശ്രിതവും മഞ്ഞള്‍പ്പൊടിയും ചേർത്തു മൂപ്പിച്ചെടുക്കണം.

∙ കറിവേപ്പില ചേർത്ത ശേഷം തേങ്ങയും ചേര്‍ത്ത്  ഒ ന്നു മൂപ്പിച്ചെടുക്കാം.

∙ ഇതിലേക്ക് ഇടിച്ചക്കയും വേവിച്ച  ചെറുപയറും ചേർത്തിളക്കി നന്നായി ഉലർത്തിയെടുക്കുക.

>> മുരിങ്ങപ്പൂവ് പരിപ്പ്

1. ചെറുപയർപരിപ്പ് – അരക്കപ്പ്
2. ഉപ്പ് – പാകത്തിന്
മഞ്ഞൾപ്പൊടി – ഒരു നുള്ള്
3. മുരിങ്ങപ്പൂവ് – ഒരു പിടി
4. തേങ്ങ – ഒരു കപ്പിന്റെ മൂന്നിലൊന്ന്
ജീരകം – അര  ചെറിയ സ്പൂൺ
ചുവന്നുള്ളി – രണ്ട്
പച്ചമുളക് - മൂന്ന്
5. വെളിച്ചെണ്ണ – രണ്ടു ചെറിയ സ്പൂൺ
6. കറിവേപ്പില – ഒരു തണ്ട്
കടുക് – കാൽ ചെറിയ സ്പൂൺ
വറ്റല്‍മുളക് – ഒന്ന്, അരിഞ്ഞത്,
കറിവേപ്പില – ഒന്ന്, കഷണങ്ങളാക്കിയത്

പാകം െചയ്യുന്ന വിധം

∙ പരിപ്പ് മെല്ലേ ഒന്നു വറുത്തെടുക്കുക.

∙ പരിപ്പ്  അല്‍പം മുരിങ്ങപ്പൂവും രണ്ടാമത്തെ ചേരുവയും ചേര്‍ത്തു വേവിച്ചെടുക്കുക. വേണമെങ്കിൽ ഒരു  തവി വച്ച് ഉടച്ചെടുക്കാം.

∙ നാലാമത്തെ ചേരുവ അരയ്ക്കുക. ഈ അരപ്പ് വെന്ത പരിപ്പിൽ  ചേർത്തിളക്കി, ആവശ്യമെങ്കിൽ മാത്രം വെള്ളം ചേർത്തു തിളപ്പിക.  

∙ വെളിച്ചെണ്ണയിൽ ആറാമത്തെ ചേരുവ താളിച്ച ശേഷം ഒരു ചെറിയ പിടി മുരിങ്ങപ്പൂവു കൂടി ചേർത്ത് ഒന്നു വാട്ടി പരിപ്പില്‍ ചേര്‍ക്കാം.

>> വഴുതനങ്ങ ചീര അവിയല്‍

1. ഉരുളക്കിഴങ്ങ് – ഒന്ന്, നീളത്തിൽ അരിഞ്ഞത്
2. മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
3. വഴുതനങ്ങ – മൂന്ന്, നീളത്തിൽ അരിഞ്ഞത്
ചീര  അരിഞ്ഞത് – ഒരു കപ്പ്‌
4. തേങ്ങ ചുരണ്ടിയത് – ഒരു കപ്പ്‌
പച്ചമുളക് – നാല്
ചുവന്നുള്ളി – നാല്
വെളുത്തുള്ളി – രണ്ട് അല്ലി
ജീരകം – അര ചെറിയ സ്പൂൺ
5. തൈര് – അരക്കപ്പ്‌
6. കറിവേപ്പില – രണ്ടു തണ്ട്
വെളിച്ചെണ്ണ – രണ്ടു ചെറിയ സ്പൂൺ

പാകം െചയ്യുന്ന വിധം

∙ ഉരുളക്കിഴങ്ങ് ഉപ്പും മഞ്ഞൾപൊടിയും ചേർത്തു വേവിച്ചു വയ്ക്കുക.

∙ പാതി വേവാകുമ്പോൾ വഴുതനങ്ങയും ചീരയും ചേർത്തു വേവിക്കണം. ആവശ്യമെങ്കില്‍ ഉപ്പ് ചേര്‍ക്കുക.

∙ നാലാമത്തെ ചേരുവ ചതച്ചെടുക്കുക

∙ വെന്ത പച്ചക്കറിയിലേക്ക് തൈരു ചേർത്ത് ഇളക്കിയ ശേഷം അരപ്പും ചേർത്തിളക്കി വെള്ളം വറ്റി വരുമ്പോള്‍ വാങ്ങുക.

∙ കറിവേപ്പിലയും വെളിച്ചെണ്ണയും ചേര്‍ത്തു വിളമ്പാം.

>> പഴം പുളിശ്ശേരി

1. നേന്ത്രപ്പഴം – രണ്ട്, ഇടത്തരം
2. മഞ്ഞൾപ്പൊടി – അര ചെറിയ സ്പൂൺ
മുളകുപൊടി – മുക്കാൽ ചെറിയ സ്പൂൺ
ഉപ്പ് – പാകത്തിന്
വെള്ളം – അല്‍പം
3. തേങ്ങ ചുരണ്ടിയത് – ഒരു കപ്പ്
പച്ചമുളക് – മൂന്ന്
വെളുത്തുള്ളി – രണ്ട് അല്ലി
കുരുമുളക് – അര ചെറിയ സ്പൂൺ
ജീരകം – അര ചെറിയ സ്പൂൺ
4. തൈര് – രണ്ടു കപ്പ്
5. വെളിച്ചെണ്ണ / നെയ്യ് – ഒരു ചെറിയ സ്പൂൺ
6. കടുക് – അര  ചെറിയ സ്പൂൺ
ഉലുവ – കാൽ ചെറിയ സ്പൂൺ
വറ്റൽമുളക് – മൂന്ന്
കറിവേപ്പില – ഒരു തണ്ട്

പാകം െചയ്യുന്ന വിധം

∙ പഴം തൊലി കളഞ്ഞു കനത്തിൽ കഷണങ്ങളാക്കി വയ്ക്കുക. ഒരു ചട്ടിയിൽ  പഴം കഷണങ്ങള്‍ രണ്ടാമത്തെ ചേരുവ ചേര്‍ത്ത് അല്‍പസമയം വേവിക്കുക.

∙ മൂന്നാമത്തെ ചേരുവ അല്‍പം തൈരു ചേര്‍ത്തു മയത്തില്‍ അരച്ചെടുക്കുക. ഇത് പഴം മിശ്രിതത്തില്‍ ചേര്‍ത്തിളക്കണം. കറി തിളച്ചു കുറുകി വന്നാൽ  തീ കുറ ച്ച് ബാക്കി തൈരു ചേർത്തിളക്കുക. തിളപ്പിക്കരുത്.

∙ ചീനച്ചട്ടിയില്‍ വെളിച്ചെണ്ണ ചൂടാക്കി ആറാമത്തെ ചേരുവ താളിച്ചു കറിയില്‍ ചേര്‍ക്കുക.

>> മാമ്പഴ പ്രഥമന്‍

1. മാമ്പഴം – ഒരു കിലോ
2. ശർക്കര – മുക്കാൽ കിലോ
3. തേങ്ങ – നാല്
4. നെയ്യ്  – നാലു ചെറിയ സ്പൂൺ
5. ഏലയ്ക്കപ്പൊടി – കാൽ ചെറിയ സ്പൂൺ
ജീരകംപൊടി – കാൽ ചെറിയ സ്പൂൺ
6. കശുവണ്ടിപ്പരിപ്പ് – ഒരു ചെറിയ സ്പൂൺ
ഉണക്കമുന്തിരി – ഒരു ചെറിയ സ്പൂൺ
തേങ്ങാക്കൊത്ത് – കാൽ കപ്പ്‌

പാകം െചയ്യുന്ന വിധം

∙ മാമ്പഴം തൊലി കളഞ്ഞ് അരച്ചെടുക

∙ ശർക്കര അല്‍പം  വെള്ളം ചേർത്ത് ഉരുക്കി അരിച്ചു വയ്ക്കുക.

∙ തേങ്ങ ചുരണ്ടിപ്പിഴിഞ്ഞ് ഒന്നാംപാലും രണ്ടാംപാലും എടുത്തു വയ്ക്കണം.

∙ ഉരുളിയിൽ രണ്ടു ചെറിയ സ്പൂൺ നെയ്യ് ചൂടാക്കി മാമ്പഴം അരച്ചത്  ഒന്നു  വരട്ടിയെടുക്കണം. ഇതിലേക്ക് ശ ർക്കര ഉരുക്കിയതു ചേർത്ത് 10 മിനിറ്റ് വരട്ടി എടുക്കുക.

∙ ഇതിലേക്ക് രണ്ടാംപാൽ ചേർത്തു പായസം തിളച്ചു കുറുകി വരുമ്പോള്‍ ഏലയ്ക്കപ്പൊടിയും ജീരകംപൊടിയും  ചേർക്കണം. തീ നന്നായി കുറച്ചു വച്ച ശേഷം ഒ ന്നാംപാൽ ചേർത്തു മെല്ലേ ഇളക്കി യോജിപ്പിക്കുക.  

∙ അടുപ്പിൽ നിന്നു വാങ്ങി നെയ്യിൽ വറുത്ത തേങ്ങാക്കൊത്തും കശുവണ്ടിപ്പരിപ്പും ഉണക്കമുന്തിരിയും പായസത്തില്‍ ചേര്‍ക്കാം.

തയാറാക്കിയത്: ശില്പ ബി. രാജ്, ഫോട്ടോ: അപര്‍ണ ജീവന്‍. പാചകക്കുറിപ്പുകൾക്കും ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയതിനും കടപ്പാട്: അപര്‍ണ ജീവന്‍, ഇഞ്ചിപ്പെണ്ണ്, മുണ്ടൂര്‍,  തൃശൂര്‍.