ആഘോഷങ്ങൾക്ക് ഒരുക്കാം ഫ്രോസ്റ്റഡ് വനില കേക്ക്

ആവശ്യമായ ചേരുവകൾ

1. പാല്‍ – ഒരു കപ്പ്

 വിനാഗിരി – രണ്ടു ചെറിയ സ്പൂൺ

2. മൈദ – രണ്ടു കപ്പ്

 ബേക്കിങ് പൗഡർ – ഒരു ചെറിയ സ്പൂൺ

 ഉപ്പ് – അര ചെറിയ സ്പൂൺ

3. പഞ്ചസാര പൊടിച്ചത് – ഒന്നരക്കപ്പ്

 ഉപ്പില്ലാത്ത വെണ്ണ – 100 ഗ്രാം

4. മുട്ട – നാല്

5. വനില എസ്സൻസ് – രണ്ടു ചെറിയ സ്പൂൺ

ഷുഗർ സിറപ്പിന്

6. പഞ്ചസാര – അരക്കപ്പ്

 വെള്ളം – ഒരു കപ്പ്

7. വിപ്പിങ് ക്രീം – ഒന്നരക്കപ്പ് (ഫ്രോസ്റ്റിങ്ങിന്)

പാകം ചെയ്യുന്ന വിധം

∙ അവ്ൻ 180 ഡിഗ്രി സെൽഷ്യസിൽ ചൂടാക്കിയിടുക.

∙ ആറിഞ്ചു വലുപ്പമുള്ള കേക്ക് ടിൻ മയം പുരട്ടി വയ്ക്കണം.

∙ ഒന്നാമത്തെ ചേരുവ യോജിപ്പിച്ചിളക്കി മോര് തയ്യാറാക്കി വയ്ക്കുക.

∙ രണ്ടാമത്തെ ചേരുവ ഇടഞ്ഞു വയ്‌ക്കണം.

∙ ഒരു ബൗളിൽ പഞ്ചസാരയും വെണ്ണയും യോജിപ്പിച്ചു നന്നായി അടിച്ചു മയപ്പെത്തുക.

∙ അതിലേക്കു മുട്ട ഓരോന്നായി ചേർത്തടിച്ച ശേഷം വനില എസ്സൻസും ചേർത്ത് അടിക്കണം. ഇതിലേക്കു മോരും മൈദ മിശ്രിതവും ഇടവിട്ട് മെല്ലേ ചേർത്തു യോജിപ്പിക്കുക.

∙ ഇതു തയാറാക്കിയ ടിന്നില്‍ ഒഴിച്ചു ചൂടാക്കിയിട്ടിരിക്കുന്ന അവ്നിൽ വച്ച് 45 മിനിറ്റ് ബേക്ക് ചെയ്യുക.

∙ അവ്നിൽ നിന്നെടുത്തു ചൂടാറാൻ വയ്ക്കുക.

∙ ഷുഗർ സിറപ്പ് തയാറാക്കാൻ പഞ്ചസാരയും വെള്ളവും യോജിപ്പിച്ചു തിളപ്പിച്ച ശേഷം ചൂടാറാൻ വയ്ക്കണം.

∙ വിപ്പിങ് ക്രീം അടിച്ചു ബലമുള്ള കുന്നുകൾ പോലെയാക്കണം. 

∙ ചൂടാറിയ കേക്ക് വട്ടത്തിൽ രണ്ടായി മുറിക്കുക. ഒരു ലെയർ കേക്ക് ബോർഡിൽ വച്ച് അതിൽ ഷുഗർ സിറപ്പ് ഒഴിക്കണം. ഇതിനു മുകളിൽ വിപ്പ്ഡ് ക്രീം അടിച്ചതു നിരത്തുക.

∙ ഇതിനു മുകളിൽ അടുത്ത ലെയർ വച്ച് വീണ്ടും ഷുഗർ സിറപ്പ് ഒഴിച്ച ശേഷം ക്രീം കൊണ്ട് കേക്ക് പൊതിഞ്ഞു ഫ്രോസ്റ്റിങ് ചെയ്യുക.

∙ ഫ്രെഷ് ഫ്രൂട്സും സ്പൈസസും കൊണ്ട് അലങ്കരിച്ചു വിളമ്പാം.