നിങ്ങൾ ഇങ്ങനെയാണോ വിന്താലൂ തയാറാക്കുന്നത്, ഈസി റെസിപ്പി ഇതാ!

ബീഫ് വിന്താലൂ

1.ബീഫ് – ഒരു കിലോ

2.കടുക് – ഒരു ചെറിയ സ്പൂൺ

മുരിങ്ങത്തൊലി – രണ്ടു ചെറിയ കഷണം, പുറം തൊലി കളഞ്ഞത്

ഇഞ്ചി – രണ്ടു ചെറിയ കഷണം

വെളുത്തുള്ളി – പത്ത് അല്ലി

വിനാഗിരി – ഒന്നര വലിയ സ്പൂൺ

കശ്മീരി മുളകുപൊടി – മൂന്നു വലിയ സ്പൂൺ

മഞ്ഞൾപ്പൊടി – അര ചെറിയ സ്പൂൺ

മല്ലിപ്പൊടി – ഒരു വലിയ സ്പൂൺ

പെരുംജീരകം – ഒരു ചെറിയ സ്പൂൺ

കറുവാപ്പട്ട – രണ്ടു കഷണം

ഗ്രാമ്പൂ – മൂന്ന്

ഏലയ്ക്ക – മൂന്ന്

3.എണ്ണ – മൂന്നു വലിയ സ്പൂൺ

4.സവാള – രണ്ട്, പൊടിയായി അരിഞ്ഞത്

5.ഉപ്പ്– പാകത്തിന്

പഞ്ചസാര – അര ചെറിയ സ്പൂൺ

കറിവേപ്പില – രണ്ടു തണ്ട്

പാകം ചെയ്യുന്ന വിധം

∙ബീഫ് വൃത്തിയാക്കി കഷണങ്ങളാക്കി വയ്ക്കണം.

∙രണ്ടാമത്തെ ചേരുവ മയത്തിൽ അരച്ചു വയ്ക്കുക.

∙പാനിൽ എണ്ണ ചൂടാക്കി സവാള വഴറ്റണം.

∙ഗോൾഡൻ ബ്രൗൺ നിറമാകുമ്പോൾ അരച്ചു വച്ച മസാല ചേർത്തിളക്കണം.

∙എണ്ണ തെളിയുമ്പോൾ ബീഫും അഞ്ചാമത്തെ ചേരുവയും ചേർത്തിളക്കി മൂടിവച്ചു വേവിക്കുക.

∙വെന്തു വരുമ്പോൾ മൂടിതുറന്നു വെള്ളം വറ്റിച്ചു വരട്ടി വാങ്ങുക.

∙കറിവേപ്പില വിതറി വിളമ്പാം.