കോഴിയിറച്ചി ഇങ്ങനെ വച്ചാലോ? കൊതിപ്പിക്കും മുർഗ് അവാധി കുറുമ, സൂപ്പര്‍ റെസിപ്പി Murgh Awadhi Korma

മുർഗ് അവാധി കുറുമ

1.    കോഴി – ഒന്ന്

2.    എണ്ണ – 100 മില്ലി

3.    കശുവണ്ടി  – 50 ഗ്രാം

    സവാള – 100 ഗ്രാം

4.    മുളകുപൊടി – 30 ഗ്രാം

    മല്ലിപ്പൊടി – 50 ഗ്രാം

    ഇഞ്ചി വെളുത്തുള്ളി പേസ്റ്റ്        – രണ്ടര വലിയ സ്പൂൺ

5.    നെയ്യ് – രണ്ടു വലിയ സ്പൂൺ

6.    ചെറിയ ഏലയ്ക്ക – നാല് – അഞ്ച്

    വലിയ ഏലയ്ക്ക – ആറ്

    കറുവാപ്പട്ട – ഒന്ന്

    വഴനയില – നാല്

7.    ഇഞ്ചി വെളുത്തുള്ളി പേസ്റ്റ്        – രണ്ടര വലിയ സ്പൂൺ

8.    തൈര്  – 250 ഗ്രാം

9.    ക്രീം – രണ്ടു വലിയ സ്പൂൺ

10.    ഗരംമസാലപ്പൊടി        – രണ്ടു ചെറിയ സ്പൂൺ

    പെരുംജീരകം പൊടിച്ചത്        – ഒരു ചെറിയ സ്പൂൺ

    കേവ്‌ര വാട്ടർ – രണ്ടു–മൂന്നു തുള്ളി

11.    ഉപ്പ് – പാകത്തിന്

12.    മല്ലിയില അരിഞ്ഞത്

    – രണ്ടു െചറിയ സ്പൂൺ

    ബദാം അരിഞ്ഞു വറുത്തത്        – രണ്ടു ചെറിയ സ്പൂൺ

    ക്രീം – രണ്ടു വലിയ സ്പൂൺ

പാകം ചെയ്യുന്ന വിധം

∙    കോഴി പത്തു കഷണങ്ങളാക്കി വയ്ക്കുക.

∙    ഒരു പാനിൽ എണ്ണ ചൂടാക്കി കശുവണ്ടിപ്പരിപ്പും സവാളയും വെവ്വേറെ വറുത്തു കോരുക. ചൂടാറുമ്പോൾ മയത്തിൽ അരച്ചു വയ്ക്കുക.

∙    നാലാമത്തെ ചേരുവ യോജിപ്പിച്ചു ചിക്കനിൽ പുരട്ടി വയ്ക്കുക.

∙    ചുവടുകട്ടിയുള്ള പാത്രത്തിൽ നെയ്യും എണ്ണ യും ചൂടാക്കി ആറാമത്തെ ചേരുവ ചേർത്തു മൂപ്പിക്കുക.

∙    ഇതിലേക്കു രണ്ടു വലിയ സ്പൂൺ ഇഞ്ചി വെളുത്തുള്ളി പേസ്റ്റു ചേർത്തു ബ്രൗൺ നിറമാകുമ്പോൾ തൈരും ചേർത്തു ചെറുതീ യിൽ വയ്ക്കുക. ഇതിലേക്കു പുരട്ടി വച്ചിരി ക്കുന്ന കോഴിക്കഷണങ്ങൾ ചേർത്തു മുക്കാ ൽ വേവാകും വരെ വേവിക്കുക.

∙    എണ്ണ തെളിയുമ്പോൾ കശുവണ്ടി–സവാള പേസ്റ്റും ക്രീമും ചേർത്തു നന്നായി ഇളക്കി യോജിപ്പിച്ചു വേവിക്കുക.

∙    ഇതിലേക്കു പത്താമത്തെ ചേരുവ വിതറുക.

∙    ഉപ്പു പാകത്തിനാക്കി ക്രീമും, മല്ലിയിലയും, ബദാമും വിതറി ചൂടോടെ വിളമ്പാം.

കടപ്പാട്: Chef Rasheed, Kochi