ഹോട്ടലില്‍ കിട്ടുന്ന അതേ രുചിയില്‍ കിടിലന്‍ മട്ടന്‍ ബിരിയാണി; റൈത്തയ്ക്കൊപ്പം വിളമ്പാം...
മട്ടണ്‍ ബിരിയാണി
1. എണ്ണ – നാലു വലിയ സ്പൂണ്‍
2. ഗ്രാമ്പൂ – നാല്
കറുവാപ്പട്ട – രണ്ട്–മൂന്നിഞ്ചു കഷണം
തക്കോലം – ഒന്ന്
ബേ ലീഫ് – രണ്ട്
3. സവാള – അഞ്ച്, അരിഞ്ഞത്
പച്ചമുളക് – എട്ട്, പിളര്‍ന്നത്
4. ഇഞ്ചി–വെളുത്തുള്ളി പേസ്റ്റ് – മൂന്നു വലിയ സ്പൂണ്‍
5. മട്ടണ്‍ – ഒരു കിലോ, കഷണങ്ങളാക്കിയത്
6. മുളകുപൊടി– അര ചെറിയ സ്പൂണ്‍
മഞ്ഞള്‍പ്പൊടി – ഒരു ചെറിയ സ്പൂണ്‍
ഗരംമസാലപ്പൊടി – ഒരു ചെറിയ സ്പൂണ്‍
7. തക്കാളി – രണ്ട്, സ്ലൈസ് ചെയ്തത്
8. തൈര് – അരക്കപ്പ്
നാരങ്ങാനീര് – ഒരു നാരങ്ങയുടടേത്
9. മല്ലിയില – 50 ഗ്രാം, പൊടിയായി അരിഞ്ഞത്
പുതിനയില – 25 ഗ്രാം, പൊടിയായി അരിഞ്ഞത്
10. ഉപ്പ് – പാകത്തിന്
വെള്ളം – പാകത്തിന്
11. ഉരുളക്കിഴങ്ങ് – മൂന്ന്, കഷണങ്ങളാക്കിയത്
12. കൈമ അരി – മൂന്നു കപ്പ്
13. നെയ്യ് – രണ്ടു ചെറിയ സ്പൂണ്‍
14. നാരങ്ങാനീര് – ഒരു ചെറിയ സ്പൂണ്‍
വെള്ളം – നാലരക്കപ്പ്
15. സവാള – രണ്ട്, വറുത്തത്
കശുവണ്ടിപ്പരിപ്പ് വറുത്തത്
– രണ്ടു വലിയ സ്പൂണ്‍
ഉണക്കമുന്തിരി വറുത്തത് – രണ്ടു വലിയ സ്പൂണ്‍
മല്ലിയില അരിഞ്ഞത് – രണ്ടു വലിയ സ്പൂണ്‍
16. കുങ്കുമപ്പൂവ് – ഒരു നുള്ള്, രണ്ടു വലിയ സ്പൂണ്‍ ചൂടുപാലില്‍ കുതിര്‍ത്തത്
പാകം ചെയ്യുന്ന വിധം
∙ പാനില്‍ എണ്ണ ചൂടാക്കി രണ്ടാമത്തെ ചേരുവയുടെ പകുതിയും സവാളയും പച്ചമുളകും വഴറ്റുക. ഗോള്‍ഡന്‍ ബ്രൗണ്‍ നിറമാകണം.
∙ ഇതിലേക്ക് ഇഞ്ചി–വെളുത്തുള്ളി പേസ്റ്റ് ചേര്‍ത്തു നന്നായി വഴറ്റണം.
∙ ഇതിലേക്കു മട്ടണ്‍ കഷണങ്ങള്‍ ചേര്‍ത്തു വഴറ്റിയ ശേഷം മുളകുപൊടിയും മഞ്ഞള്‍പ്പൊടിയും ഗരംമസാലപ്പൊടിയും ചേര്‍ത്തു നന്നായി ഇളക്കുക.
∙ തക്കാളി ചേര്‍ത്തു വേവിച്ച ശേഷം തൈരും നാരങ്ങാനീരും ചേര്‍ത്തിളക്കണം. ഇതില്‍ മല്ലിയിലയും പുതിനയിലയും ചേര്‍ത്തു നന്നായി ഇളക്കി യോജിപ്പിക്കണം.
∙ ഇത് പ്രഷര്‍ കുക്കറിലാക്കി പാകത്തിന് ഉപ്പും വെള്ളവും ചേര്‍ത്ത് 10 മിനിറ്റ് വേവിക്കണം. പ്രഷര്‍ പോയ ശേഷം കുക്കര്‍ തുറന്ന് ഉരുളക്കിഴങ്ങു ചേര്‍ത്ത് ഏഴ്–എട്ടു മിനിറ്റ് വേവിക്കുക.
∙ ഈ സമയം അരി കഴുകി ഊറ്റി വയ്ക്കുക.
∙ ഒരു പാത്രത്തില്‍ നെയ്യ് ചൂടാക്കി ബാക്കി മസാല ചേര്‍ത്ത് ഒരു മിനിറ്റ് ഇളക്കണം. ഇതിലേക്ക് അരി ചേര്‍ത്ത് മൂന്ന്–നാലു മിനിറ്റ് ഇടത്തരം തീയില്‍ ഇളക്കിയ ശേഷം വെള്ളവും ഉപ്പും നാരങ്ങാനീരും ചേര്‍ക്കുക.
∙ തിളച്ചു തുടങ്ങുമ്പോള്‍ തീ കുറച്ചു വച്ച് അരി വേവിച്ചു വെള്ളം വറ്റിച്ചെടുക്കണം.
∙ ഒരു ബിരിയാണി പോട്ടില്‍ മസാല നിരത്തി മുകളില്‍ അരി നിരത്തണം. ഇതിനു മുകളില്‍ 15ാമത്തെ ചേരുവ ചേര്‍ത്ത ശേഷം മുകളില്‍ കുങ്കുമപ്പൂവ് കലക്കിയതും ഒഴിച്ച് പാത്രം മുറുകെ അടയ്ക്കണം.
∙ നല്ല തീയില്‍ അഞ്ചു മിനിറ്റ് വച്ച ശേഷം ചെറിയ തീയില്‍ ഏഴ്–എട്ടു മിനിറ്റ് വയ്ക്കുക.
∙ റൈത്തയ്ക്കൊപ്പം വിളമ്പാം.
തയാറാക്കിയത്: ശില്പ ബി. രാജ്, ഫോട്ടോ: ഹരികൃഷ്ണന്‍. പാചകക്കുറിപ്പുകൾക്കും ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയതിനും കടപ്പാട്: സുമയ്യ സുഹൈബ്, ഗോര്‍മെ ഡിലൈറ്റ്സ് ബൈ സുമയ്യ, കലൂര്‍, കൊച്ചി