വൺ പോട്ട് നൂഡിൽസ് ഇത്ര എളുപ്പമായിരുന്നോ ?

ആവശ്യമായ ചേരുവകൾ

1.  ഒലിവ് ഓയിൽ  – രണ്ടു വലിയ സ്പൂൺ

2.  സവാള – ഒരു ഇടത്തരം, പൊടിയായി അരിഞ്ഞത്

    സ്പ്രിങ് അണിയൻ – ഒരു കെട്ട്, പൊടിയായി അരിഞ്ഞത്

    കാരറ്റ് ചതുരക്കഷണങ്ങളാക്കിയത് – അരക്കപ്പ്

    സെലറി അരിഞ്ഞത് – കാൽ കപ്പ്

    വെളുത്തുള്ളി പൊടിയായി അരിഞ്ഞത്  – ഒരു വലിയ സ്പൂൺ

3.  ചിക്കൻ വേവിച്ചു ചതുരക്കഷണങ്ങളാക്കിയത് – രണ്ടു കപ്പ്

    ചെമ്മീൻ വൃത്തിയാക്കിയത് – ഒന്നരക്കപ്പ്

4.  ചിക്കൻ ബ്രാത്ത് – നാലു കപ്പ്

    നൂഡിൽ‌സ് – മൂന്നു കപ്പ്

    ഉപ്പ്, കുരുമുളകുപൊടി – പാകത്തിന്

    മല്ലിയില അരിഞ്ഞത് – അരക്കപ്പ്

    നാരങ്ങാനീര് – പാകത്തിന്

പാകം ചെയ്യുന്ന വിധം

∙  എണ്ണ ഇടത്തരം ചൂടിൽ വച്ച് രണ്ടാമത്തെ ചേരുവ ചേർത്തു 10–15 മിനിറ്റ് വേവിക്കുക.

∙  മുക്കാൽ വേവാകുമ്പോൾ ചിക്കനും ചെമ്മീനും ചേർത്തു വഴറ്റണം. ചെമ്മീൻ അധികം വെന്തു പോകരുത്.

∙  ഇതിലേക്കു നാലാമത്തെ ചേരുവ ചേർത്തു ചെറുതീയിൽ 10–15 മിനിറ്റ് വേവിക്കുക. പുഴുങ്ങിയ മുട്ട ചതുരക്കഷണങ്ങളാക്കിയതും മല്ലിയില അരിഞ്ഞതും കൊണ്ട് അലങ്കരിച്ചു ചൂടോടെ വിളമ്പാം.

 Bina Mathew, Kochi