സോ സിമ്പിൾ റംബെറി കേക്ക്

1. മൈദ – 200 ഗ്രാം

ബേക്കിങ് പൗഡർ – മുക്കാൽ ചെറിയ സ്പൂൺ

ഉപ്പ് – അര ചെറിയ സ്പൂൺ

2. റം – രണ്ടു വലിയ സ്പൂൺ

പാൽ – ഒന്ന്–രണ്ടു വലിയ സ്പൂൺ

വനില എസ്സൻസ് – ഒരു ചെറിയ സ്പൂൺ

3. ഉപ്പില്ലാത്ത വെണ്ണ – 230 ഗ്രാം

പഞ്ചസാര പൊടിച്ചത് – 200 ഗ്രാം

4. മുട്ട – മൂന്ന്

5. റം – മൂന്നു വലിയ സ്പൂൺ

പാകം ചെയ്യുന്ന വിധം

∙ അവ്ൻ 170⁰Cൽ ചൂടാക്കിയിടുക.

∙ എട്ടിഞ്ചു വലുപ്പമുള്ള പാനിൽ മയം പുരട്ടി ബട്ടർ പേപ്പറിട്ടു വയ്ക്കുക.

∙ ഒരു ബൗളിൽ ഒന്നാമത്തെ ചേരുവ ഇടഞ്ഞു യോജിപ്പിച്ചു വയ്ക്കുക. മറ്റൊരു ബൗളിൽ രണ്ടാമത്തെ ചേരുവ യോജിപ്പിച്ചു വയ്ക്കണം.

∙ വെണ്ണയും പഞ്ചസാര പൊടിച്ചതും നന്നായി അടിച്ചു മയപ്പെ ടുത്തണം. ഇതിൽ മുട്ട ഓരോന്നായി ചേർത്തടിച്ച ശേഷം മൈദ മിശ്രിതവും റം മിശ്രിതവും ഇടവിട്ടു യോജിപ്പിക്കുക.

∙ ഇതു മയം പുരട്ടിയ പാനിൽ ഒഴിച്ച് ചൂടാക്കിയിട്ടിരിക്കുന്ന അവ്നിൽ വച്ച് ഗോൾഡൻ നിറത്തിൽ ബേക്ക് ചെയ്തെടുക്കണം. കേക്കിൽ വിരൽ കൊണ്ടമർത്തിയാൽ സ്പ്രിങ് പോലെ പൊങ്ങി വരുന്നതാണു പാകം.

∙ അവ്നിൽ നിന്നു കേക്ക് പുറത്തെടുത്ത ഉടൻ തന്നെ റം സ്പ്രേ ചെയ്തു വയ്ക്കുക.