കാപ്സിക്കം ഹെല്‍ത്തിയാണ്, ഇങ്ങനെ തയാറാക്കി നോക്കൂ... മൂന്നു റെസിപ്പികള്‍

ബെൽപെപ്പർ വെർമിസെല്ലി

1.    റൈസ് വെർമിസെല്ലി – രണ്ടു കപ്പ്

2.    എണ്ണ – മൂന്നു വലിയ സ്പൂൺ

3.    കടുക് – ഒരു ചെറിയ സ്പൂൺ

4.    സവാള അരിഞ്ഞത് – അരക്കപ്പ്

    പച്ചമുളക് – ഒരു ഇടത്തരം,         പൊടിയായി അരിഞ്ഞത്

    ഇഞ്ചി,  നീളത്തിൽ അരിഞ്ഞത്         – ഒരു ചെറിയ സ്പൂൺ

5.    കാപ്സിക്കം, നീളത്തിൽ അരിഞ്ഞത്         – കാൽ കപ്പ്

    കാരറ്റ് അരിഞ്ഞത് – കാൽ കപ്പ്

    മഞ്ഞ കാപ്സിക്കം,  നീളത്തിൽ         അരിഞ്ഞത് – കാൽ കപ്പ്

    ചുവപ്പു കാപ്സിക്കം,  നീളത്തിൽ         അരിഞ്ഞത് – കാൽ കപ്പ്

6.    ഉപ്പ് – പാകത്തിന്

    മല്ലിയില – ഒരു വലിയ സ്പൂൺ

പാകം ചെയ്യുന്ന വിധം

∙    റൈസ് വെർമിസെല്ലി പായ്ക്കറ്റിൽ പറഞ്ഞിരിക്കുന്ന പോലെ വേവിച്ചു വെള്ളം ഊറ്റി മാറ്റി വയ്ക്കുക.

∙    പാനിൽ എണ്ണ ചൂടാക്കി കടുകു പൊട്ടിച്ചു നാലാമത്തെ ചേരുവ ചേർത്തു വഴറ്റുക.

∙    സവാള വഴന്നു കണ്ണാടി പോലെയാകുമ്പോ ൾ അഞ്ചാമത്തെ ചേരുവ ചേർത്തു കരുകരുപ്പു മാറാതെ വഴറ്റുക.

∙    ഇതിൽ ആറാമത്തെ ചേരുവ ചേർത്തു ന ന്നായി യോജിപ്പിച്ച ശേഷം വെർമിസെല്ലി ചേ ർത്തിളക്കി യോജിപ്പിക്കുക. മൂടി വച്ച് ഒന്നു മുതൽ രണ്ടു മിനിറ്റ് വരെ വേവിച്ചു വാങ്ങുക.

∙    തേങ്ങ/പുതിന ചട്നിക്കൊപ്പം വിളമ്പാം.

ക്രിസ്പി കാപ്സിക്കം ചാട്ട്

1.    കാപ്സിക്കം – രണ്ട് ഇടത്തരം

2.    ഉപ്പ് – പാകത്തിന്

    ഇഞ്ചിപ്പൊടി         – കാൽ ചെറിയ സ്പൂൺ

    വെളുത്തുള്ളിപ്പൊടി         – കാൽ ചെറിയ സ്പൂൺ

    മുളകുപൊടി         – അര ചെറിയ സ്പൂൺ

3.    കടലമാവ് – നാലു വലിയ സ്പൂൺ

4.    എണ്ണ – വറുക്കാൻ ആവശ്യത്തിന്

5.    ചാട്ട് മസാല         – ഒരു ചെറിയ സ്പൂൺ

പാകം ചെയ്യുന്ന വിധം

∙    കാപ്സിക്കം തണ്ടും അരിയും കളഞ്ഞു നീളത്തിൽ അരിഞ്ഞു രണ്ടാമത്തെ ചേരുവ ചേർത്തു നന്നായി യോജിപ്പിക്കുക.

∙    കാപ്സിക്കത്തിൽ നിന്ന് അൽപം വെള്ളം ഊറി വരും. ഇതിലേക്കു കടലമാവു വിത റി യോജിപ്പിക്കുക.

∙    പാനിൽ എണ്ണ ചൂടാക്കി കാപ്സിക്കം ക രുകരുപ്പായി വറുത്തു കോരുക.

∙    മുകളിൽ ചാട്ട് മസാല വിതറി ചൂടോടെ പുളിച്ചട്നി/കെച്ചപ്പിനൊപ്പം വിളമ്പാം.

സ്റ്റഫ്ഡ് കാപ്സിക്കം

1.    കാപ്സിക്കം  – ആറു ചെറുത് 

    ഉപ്പ് – പാകത്തിന് 

2.    എണ്ണ – ഒരു വലിയ സ്പൂൺ

3.    സവാള – ഒരു ഇടത്തരം,  ചെറിയ ചതുരക്കഷണങ്ങളായി  അരിഞ്ഞത്

    പച്ചമുളക് – ഒരു വലുത്, അരി കള        ഞ്ഞു പൊടിയായി അരിഞ്ഞത്

4.    ഉരുളക്കിഴങ്ങു വേവിച്ചത് – ഒരു         വലുത്, ചെറിയ ചതുരക്കഷണങ്ങളായി അരിഞ്ഞത്

    ഉപ്പ് – പാകത്തിന്

    ജീരകംപൊടി         – അര ചെറിയ സ്പൂൺ

    മുളകുപൊടി         – അര ചെറിയ സ്പൂൺ

5.    ചാട്ട് മസാല         – ഒരു ചെറിയ സ്പൂൺ

    പുതിനയില പൊടിയായി അരി        ഞ്ഞത് – ഒരു ചെറിയ സ്പൂൺ

    മല്ലിയില പൊടിയായി അരിഞ്ഞത്         – ഒരു വലിയ സ്പൂൺ

6.    കടലമാവ് – നാലു വലിയ സ്പൂൺ

    ഉപ്പ് – പാകത്തിന്

    വെള്ളം – പാകത്തിന്

7.    എണ്ണ – വറുക്കാൻ ആവശ്യത്തിന്

പാകം ചെയ്യുന്ന വിധം

∙    കാപ്സിക്കത്തിൻെറ മുകൾഭാഗം അരയിഞ്ചു കനത്തിൽ തണ്ടോടു കൂടി  മുറിച്ചു മാറ്റുക. പിന്നീട് ഉള്ളിലെ  അരി കളഞ്ഞ് അൽപം ഉപ്പു പുരട്ടി മാറ്റി വയ്ക്കുക.

∙    പാനിൽ എണ്ണ ചൂടാക്കി സവാളയും പ ച്ചമുളകും വഴറ്റി സവാള കണ്ണാടി പരുവ മാകുമ്പോൾ നാലാമത്തെ ചേരുവ ചേർ ത്തു നന്നായി യോജിപ്പിക്കുക.

∙    ഇതു ചെറുതീയിൽ മൂടി വച്ചു മൂന്നു – നാ ലു മിനിറ്റ് വേവിക്കുക.

∙    ഇതിലേക്ക് അഞ്ചാമത്തെ ചേരുവ ചേർ ത്തു നന്നായി യോജിപ്പിച്ച് ഉപ്പു പാകത്തിനാക്കി വാങ്ങുക.

∙    ഉപ്പു പുരട്ടി വച്ചിരിക്കുന്ന കാപ്സിക്കത്തിൽ നിന്നു വെള്ളം ഊറ്റിക്കളഞ്ഞ് അകത്തും പുറത്തും അൽപം എണ്ണ പു രട്ടി ഉള്ളിൽ ഉരുളക്കിഴങ്ങു മിശ്രിതം നിറ യ്ക്കുക.

∙    ബൗളിൽ ആറാമത്തെ ചേരുവ യോജിപ്പിച്ചതുകൊണ്ടു  കാപ്സിക്കം പൊതിഞ്ഞെടുത്തു മാറ്റി വച്ച മുകൾ ഭാഗം ഒട്ടിച്ചു ചൂടായ എണ്ണയിൽ രണ്ടു മുതൽ മൂന്നു മിനിറ്റ് വരെ വറുത്തു കോരുക.

∙    ഇത് കിച്ചൺ പേപ്പറിൽ വച്ച്  എണ്ണ ക ളഞ്ഞ ശേഷം പുതിന ചട്നിക്കോ ടുമാ റ്റോ സോസിനോ ഒപ്പം വിളമ്പാം.

∙    എണ്ണയിൽ വറുക്കുന്നതിനു പകരം കാ പ്സിക്കം ബേക്കിങ് ട്രേയിൽ വച്ച് 1800 C ൽ അഞ്ച്–ഏഴു മിനിറ്റ്  ബേക്ക് ചെയ്തെടുത്താലും മതി.

Capsicum Recipes: Durga Chellaram