‘രുചിയില്‍ നോ കോംപ്രമൈസ്...’; ശരീരത്തിനു തണുപ്പേകാൻ മൂന്നു തരം സാലഡ് Delicious and Healthy Salad Recipes
ബീറ്റ്റൂട്ട് സാലഡ്
1. ബീറ്റ്റൂട്ട് – മൂന്ന്–അഞ്ച്
2. മസ്റ്റേർ‍ഡ് സോസ് – ഒരു വലിയ സ്പൂൺ
കട്ടത്തൈര് കെട്ടിത്തൂക്കിയിട്ടു വെള്ളം ഊറ്റിയത് – രണ്ടു വലിയ സ്പൂൺ
വെളുത്തുള്ളി – ഒരല്ലി, ചതച്ചത്
തേൻ – ഒരു ചെറിയ സ്പൂൺ
ഉപ്പ്, കുരുമുളകുപൊടി – പാകത്തിന്
നാരങ്ങാനീര് – ഒരു ചെറിയ സ്പൂൺ
3. എക്സ്ട്രാ വെർജിൻ ഒലിവ് ഓയിൽ – 50 മില്ലി
4. വോൾനട്ട് – 50 ഗ്രാം, ടോസ്റ്റ് ചെയ്തത്
5. പുതിന/മല്ലിയില/ദിൽ ലീവ്സ് – ഒരു കെട്ട്
പാകം െചയ്യുന്ന വിധം
∙ ബീറ്റ്റൂട്ട് വേവിച്ചൂറ്റി വലിയ കഷണങ്ങളാക്കി വയ്ക്കണം.
∙ രണ്ടാമത്തെ ചേരുവ ഒരു ബൗളിലാക്കി യോജിപ്പിക്കുക. ഇതിലേക്കു തുടരെയടിച്ചു കൊണ്ട് ഒലിവ് ഓയിൽ ചേർക്കുക. ഡ്രസ്സിങ് നന്നായി കുറുകി വരണം.
∙ വോൾനട്ട് ബ്രൗൺ നിറത്തിൽ ടോസ്റ്റ് ചെയ്തു വയ്ക്കുക.
∙ ഇലകൾ കത്രിക കൊണ്ടു മുറിച്ച് ബീറ്റ്റൂട്ടിനു മുകളിൽ
വിതറിയ ശേഷം വോൾനട്ടും ചേർത്തിളക്കുക.
∙ ഡ്രസ്സിങ് മുകളില്‍ ഒഴിച്ചു മെല്ലേ കുടഞ്ഞു യോജിപ്പിക്കുക.
∙ കുരുമുളകുപൊടി വിതറി വിളമ്പാം.
കാബേജ് & ലെറ്റൂസ് സാലഡ്
1. കാബേജും ലെറ്റൂസും ചെറിയ കഷണങ്ങളായി കീറിയത് – മൂന്നു കപ്പ്
2. പഞ്ചസാര – രണ്ടു ചെറിയ സ്പൂൺ
വിനാഗിരി – എട്ടു വലിയ സ്പൂൺ
3. ഒലിവ് ഓയിൽ/നല്ലെണ്ണ – എള്ള് വറുക്കാൻ ആവശ്യത്തിന്
4. വെളുത്ത എള്ള് – രണ്ടു ചെറിയ സ്പൂൺ
5. മാഗി നൂഡിൽസ് – മുക്കാൽ പായ്ക്കറ്റ്
പാകം െചയ്യുന്ന വിധം
∙ കാബേജും ലെറ്റൂസും അരിഞ്ഞത് ഐസ്‌വെള്ളത്തിൽ ഇട്ടു വയ്ക്കണം.
∙ പഞ്ചസാര വിനാഗിരിയിൽ ചേർത്തിളക്കി നന്നായി അലിയിക്കണം.
∙ എണ്ണയിൽ എള്ള് വറുത്തു മാറ്റുക.
∙ ലെറ്റൂസും കാബേജും ഊറ്റിയെടുത്തു കിച്ചൺ നാപ്കിനിൽ നിരത്തി, വെള്ളം കളയണം.
∙ വറുത്ത എള്ളും പഞ്ചസാര അലിയിച്ച വിനാഗിരിയും ലെറ്റൂസ്–കാബേജ് മിശ്രിതത്തിൽ ചേർത്തു മെല്ലേ കുടഞ്ഞുയോജിപ്പിക്കുക.
∙ വിളമ്പുന്നതിനു തൊട്ടുമുൻപ് സാലഡിനു മുകളിൽ നൂഡിൽസ് കൈ കൊണ്ടു പൊടിച്ചതു വിതറുക.
പച്ചമാങ്ങ സാലഡ് വിത് കോക്കനട്ട്
1. പച്ചമാങ്ങ തൊലി ചെത്തി സ്ലൈസ് ചെയ്തത് – രണ്ടരക്കപ്പ്
2. തേങ്ങ ചുരണ്ടിയത് – അരക്കപ്പ്
3. വെളുത്തുള്ളി – രണ്ട് അല്ലി
പഴുത്ത മുളക് – രണ്ടു ചെറുത്
ഉണക്കച്ചെമ്മീൻ – രണ്ടു വലിയ സ്പൂൺ
ഉപ്പ് – അര ചെറിയ സ്പൂൺ
4. ഫിഷ് സോസ് – ഒരു വലിയ സ്പൂൺ
നാരങ്ങാനീര് – രണ്ടു വലിയ സ്പൂൺ
ശർക്കര പൊടിച്ചത് – മൂന്നു ചെറിയ സ്പൂൺ
5. പുതിനയില അരിഞ്ഞത് – അരക്കപ്പ്
മല്ലിയില അരിഞ്ഞത് – അരക്കപ്പ്
ഇഞ്ചി അരിഞ്ഞത് – രണ്ടു ചെറിയ സ്പൂൺ
ഞണ്ടിറച്ചി വേവിച്ചത് – അരക്കിലോ
6. നിലക്കടല – രണ്ടു ചെറിയ സ്പൂൺ, അൽപം പഞ്ചസാരയും വെളുത്തുള്ളിയും ചേർത്ത് എള്ളെണ്ണയിൽ കാരമലൈസ് ചെയ്തത്
പാകം െചയ്യുന്ന വിധം
∙ പച്ചമാങ്ങ അരിഞ്ഞു വയ്ക്കുക.
∙ തേങ്ങ ചുരണ്ടിയതു ബേക്കിങ് ട്രേയിൽ നിരത്തി, 1800Cൽ ചൂടാക്കിയിട്ടിരിക്കുന്ന അവ്നിൽ വച്ച് മൂന്ന്–അഞ്ച് മിനിറ്റ് ബേക്ക് ചെയ്യുക. തേങ്ങ കരിഞ്ഞു പോകാതെ ഇടയ്ക്കിടെ ഇളക്കിക്കൊടുക്കണം.
∙ മൂന്നാമത്തെ ചേരുവ ചതച്ചു പേസ്റ്റ് പരുവത്തിലാക്കുക. ഇതിലേക്കു നാലാമത്തെ ചേരുവ ചേർത്ത് ഒരു ഫോർക്ക് കൊണ്ട് അടിച്ചു യോജിപ്പിക്കുക. ഇതാണ് ഡ്രസ്സിങ്.
∙ പച്ചമാങ്ങ വിളമ്പാനുള്ള ബൗളിലാക്കി അഞ്ചാമത്തെ ചേരുവ ചേർത്തു യോജിപ്പിക്കുക.
∙ ഇതിലേക്കു ഡ്രസ്സിങ് ചേർത്തു മെല്ലേ കുടഞ്ഞു യോജിപ്പിക്കുക.
∙ വിളമ്പാനുള്ള പ്ലേറ്റിൽ വാഴയിലക്കീറ് വച്ച് അതിൽ സാലഡ് കൂനയായി വച്ച് ആറാമത്തെ ചേരുവ കൊണ്ട് അലങ്കരിക്കുക.
∙ ഞണ്ടിറച്ചിക്കു പകരം കാരറ്റ്, മഷ്റൂം, കാബേജ്, സാലഡ് കുക്കുമ്പർ എന്നിവ പൊടിയായി അരിഞ്ഞതോ രണ്ടു നിറത്തിലുള്ള കാപ്സിക്കം അരിഞ്ഞതോ ഉപയോഗിക്കാം.
ഫോട്ടോ : ശ്രീകാന്ത് കളരിക്കല്‍, ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയത് : കലേഷ് കെ. എസ്., എക്സിക്യൂട്ടീവ് ഷെഫ്, ക്രൗൺ പ്ലാസ, കൊച്ചി