കുട്ടികൾ കൂടുതൽ ഭക്ഷണം കഴിക്കണെമെങ്കിൽ ടിഫിൻ ബോക്സിൽ മിനി ചപ്പാത്തി ബേക്ക് വെച്ചോളൂ..

ആവശ്യമായ ചേരുവകൾ

1.  ചിക്കൻ ബ്രെസ്റ്റ് – ഒരു ചെറുത്

2.  വെളുത്തുള്ളി – നാല് അല്ലി, ചതച്ചത്

    സെലറി – ഒരു തണ്ട്, അരിഞ്ഞത്

     ഉപ്പ്, കുരുമുളകുപൊടി  – പാകത്തിന്

3.  വെണ്ണ – ഒരു വലിയ സ്പൂൺ

4.  സവാള – ഒരുചെറുത്, പൊടിയായി അരിഞ്ഞത്

    കൂൺ  – നാല്, പൊടിയായി അരിഞ്ഞത്

5.  മൈദ – രണ്ടര ചെറിയ സ്പൂൺ

6.  പാൽ – അരക്കപ്പ്

7.  കാപ്സിക്കം അരിഞ്ഞത്  – കാൽ കപ്പ്

8.  ഉപ്പ്, കുരുമുളകുപൊടി – പാകത്തിന്

9.   ചപ്പാത്തി  – രണ്ട്, ചെറിയ വട്ടങ്ങളായി മുറിച്ചത്

10.  ചീസ്  – രണ്ടു ക്യൂബ്സ്,  ഗ്രേറ്റ് ചെയ്തത് 

    വറ്റൽമുളകു ചതച്ചത്  – അര ചെറിയ സ്പൂൺ

പാകം ചെയ്യുന്ന വിധം

∙ ചിക്കൻ ബ്രെസ്റ്റിൽ രണ്ടാമത്തെ ചേരുവ ചേർത്തു വേവിച്ചു പൊടിയായി അരിഞ്ഞെടുക്കുക.

∙  വെണ്ണ ചൂടാക്കി സവാളയും കൂണും വഴറ്റിയ ശേഷം മൈദ ചേർത്തിളക്കുക.

∙   തിളച്ചു കുമിളകൾ വരുമ്പോൾ പാൽ മെല്ലേ ചേർത്തിളക്കി കുറുകുമ്പോൾ കാപ്സിക്കവും ചിക്കൻ മിശ്രിതവും ചേർത്തിളക്കുക.

∙   പാകത്തിനുപ്പും കുരുമുളകുപൊടിയും ചേർത്തിളക്കി വാങ്ങി വയ്ക്കണം.

∙  ചപ്പാത്തി മുറിച്ചതിൽ ഈ മിശ്രിതം നിരത്തി, മുകളിൽ ചീസ് ഗ്രേറ്റ് ചെയ്തതും വറ്റൽമുളകു ചതച്ചതും വിതറി അഞ്ചു മിനിറ്റ് ഗ്രിൽ ചെയ്യുക. ചീസ് ഉരുകുന്നതാണു പാകം.

∙  ടുമാറ്റോ കെച്ചപ്പിനൊപ്പം വിളമ്പാം.

Mahima Simon, Kochi