തവ പുലാവ് സൂപ്പര്‍ ടേസ്റ്റാ..! ഞൊടിയിടയില്‍ ലഞ്ച് ബോക്സ് റെസിപ്പി തയാറാക്കാം
തവ പുലാവ്
1. എണ്ണ – മൂന്നു ചെറിയ സ്പൂണ്‍
വെണ്ണ – ഒരു ചെറിയ സ്പൂണ്‍
2. സവാള – ഒന്ന്, പൊടിയായി അരിഞ്ഞത്
3. ഇഞ്ചി–വെളുത്തുള്ളി പേസ്റ്റ് – ഒരു ചെറിയ സ്പൂണ്‍
ഉപ്പ് – പാകത്തിന്
മുളകുപൊടി – ഒരു ചെറിയ സ്പൂണ്‍
മല്ലിപ്പൊടി – ഒരു ചെറിയ സ്പൂണ്‍
ജീരകംപൊടി – ഒരു ചെറിയ സ്പൂണ്‍
ഗരംമസാലപ്പൊടി – കാല്‍ ചെറിയ സ്പൂണ്‍
4. തക്കാളി – രണ്ട്, അരിഞ്ഞത്
5. കാപ്സിക്കം അരിഞ്ഞത് – അരക്കപ്പ്
ഗ്രീന്‍പീസ് വേവിച്ചത് – കാല്‍ കപ്പ്
6. ബസ്മതി അരി വേവിച്ചത് – ഒരു കപ്പ്
7. മല്ലിയില അരിഞ്ഞത് – അല്‍പം
നാരങ്ങാനീര് – ഒരു ചെറിയ സ്പൂണ്‍
പാകം ചെയ്യുന്ന വിധം
∙ പാനില്‍ എണ്ണയും വെണ്ണയും ചൂടാക്കിയ ശേഷം സവാള ചേര്ത്തു വഴറ്റുക.
∙ ഇതിലേക്കു മൂന്നാമത്തെ ചേരുവ ചേര്ത്തു നന്നായി വഴറ്റിയ ശേഷം തക്കാളി ചേര്ത്തു പച്ചമണം മാറും വരെ വഴറ്റണം.
∙ ഇതില്‍ കാപ്സിക്കവും ഗ്രീന്‍പീസും ചേര്ത്തു രണ്ടു മിനിറ്റ് ഇളക്കിയ ശേഷം റൈസ് ചേര്ത്തു നന്നായി ഇളക്കുക.
∙ മല്ലിയിലയും നാരങ്ങാനീരും ചേര്ത്തു വിളമ്പാം.
പാചകക്കുറിപ്പുകൾക്കു കടപ്പാട്: അമിത് സന്തോഷ്, കോഴിക്കോട്