നെയ്യും നുറുക്ക് ഗോതമ്പും ചേര്‍ന്ന രുചിക്കൂട്ടിൽ ഖീർ; സ്പെഷല്‍ റെസിപ്പി How to Make Delicious Kheer for Navratri

നെയ്യും നുറുക്ക് ഗോതമ്പും ചേര്‍ത്ത് തയാറാക്കുന്ന ഖീർ നവരാത്രി ആഘോഷങ്ങളില്‍ പ്രധാനമാണ്. പരമ്പരാഗത കൊങ്കണി രുചിക്കൂട്ടിൽ ഖീർ തയാറാക്കുന്ന വിധം അറിയാം. 

ഖീർ

1. നെയ്യ്  –  അഞ്ച് വലിയ സ്പൂൺ
നുറുക്ക് ഗോതമ്പ് – ഒരു കപ്പ്
വെള്ളം – മൂന്നു കപ്പ്
2.  ശർക്കര – ഒന്നേകാൽ കപ്പ്
3. ഏലയ്ക്കാപ്പൊടി – അര ചെറിയ സ്പൂൺ
കശുവണ്ടിപ്പരിപ്പ്  – പത്ത്
കിസ്മിസ് – പത്ത് 

പാകം ചെയ്യുന്ന വിധം

∙ നുറുക്ക് ഗോതമ്പ് നന്നായി കഴുകി വെള്ളം ഊറ്റി മാറ്റിവയ്ക്കുക. 

∙ കട്ടിയുള്ള പാനിൽ രണ്ടു വലിയ സ്പൂൺ നെയ്യ്  ചൂടാക്കി ഗോതമ്പ് വറുക്കുക. ഗോൾ‍ഡൻ ബ്രൗൺ നിറമാകണം. ഈ ഗോതമ്പ് പാകത്തിനു വെള്ളം ചേർത്തു  വേവിക്കുക. 

∙ വേവിച്ച ഗോതമ്പിലേക്കു ശർക്കര ഉരുക്കിയതു ചേർത്തു യോജിപ്പിച്ചു തുടരെയിളക്കുക. കുറുകിയ പരുവമാകണം. 

∙ ഇതിലേക്കു നെയ്യും ഏലയ്ക്കാപ്പൊടിയും ചേർത്ത് ഇളക്കുക. കശുവണ്ടിപ്പരിപ്പും കിസ്മിസും ചേർത്തിളക്കി തീയണക്കുക. അഞ്ച് മിനിറ്റ് മൂടി വച്ച ശേഷം ഉപയോഗിക്കാം. 

പാചകക്കുറിപ്പുകൾക്കു കടപ്പാട്: വിജയലക്ഷ്മി അമ്മാൾ, കൊല്ലം. വിഭവങ്ങൾ തയാറാക്കിയതിനു കടപ്പാട്: അശോക് ഈപ്പൻ, എക്സിക്യൂട്ടീവ് ഷെഫ്, ലെമൺട്രീ പ്രീമിയർ, തിരുവനന്തപുരം