ആകർഷകമായ വേതനവ്യവസ്ഥ, തൊഴിൽസാഹചര്യം... എളുപ്പം നേടാം ഇനി ജർമൻ ജോലി Eligibility Criteria for German Jobs

വിദേശ കുടിയേറ്റം സംബന്ധിച്ച വായനക്കാരുടെ തിരഞ്ഞെടുത്ത സംശയങ്ങൾക്കു മറുപടി നൽകുന്നുഅജിത് കോളശ്ശേരി സിഇഒ (ഇൻ ചാർജ്), നോർക്ക റൂട്ട്സ്

ജർമനിയിൽ തൊഴിൽ നിയമങ്ങൾ ലളിതമാക്കി എന്നു വാർത്തകൾ കാണുന്നുണ്ട്. ഒാപ്പർട്യൂണിറ്റി (opportunity) കാർഡ് വഴി തൊഴിൽ നേടുന്നതെങ്ങനെയാണ്? എന്തെല്ലാമാണ് യോഗ്യതകൾ?

അഭിജിത്ത് കെ.എസ്, കണ്ടശ്ശാംകടവ്, തൃശൂർ

ഇന്ത്യൻ പൗരന്മാർക്ക‌ു വിദേശത്തു ജോലി ചെയ്യാനുള്ള മികച്ച സ്ഥലങ്ങളിൽ ഒന്നാണു ജർമനി. ആകർഷകമായ വേതനവ്യവസ്ഥയും തൊഴിൽസാഹചര്യങ്ങളുമുള്ള ജർമൻ തൊഴിൽ വിപണി ലോകമെമ്പാടും വളരെയധികം പരിഗണിക്കപ്പെട്ടിട്ടുള്ളതാണ്.

എന്നാൽ മാനവവിഭവശേഷിയുടെ കടുത്ത ക്ഷാമം ജർമനി നേരിടുന്നുണ്ട്. ഇതു മറികടക്കാനായി മികച്ച തൊഴി ൽ നൈപുണ്യമുള്ളവരെ ജർമനിയിലേക്ക് ആകർഷിക്കുന്നതിന് കുടിയേറ്റ നിയമങ്ങളിൽ മാറ്റങ്ങൾ വരുത്താൻ രാജ്യം പ്രേരിതമായി. ഇതിന്റെ ഭാഗമായാണ് ഓപ്പർട്യൂണിറ്റി കാർഡ് നിലവിൽ വരുന്നത്.

ഉദ്യോഗാർഥികൾക്കു ജർമനിയിൽ ജോലി കണ്ടെത്തുന്നതിനുള്ള ഓപ്പർട്യൂണിറ്റി കാർഡ് 2024 ജൂൺ മുതൽ പ്രാബല്യത്തിൽ വരും. ദൈർഘ്യമേറിയ അംഗീകാര നടപടിക്രമങ്ങളില്ലാതെ ജർമനിയിൽ ജോലി ചെയ്യാൻ ഇത് അപേക്ഷകരെ പ്രാപ്തരാക്കുന്നു. (കുറഞ്ഞത്) രണ്ട് വർഷത്തെ തൊഴിലധിഷ്ഠിത പരിശീലനം അല്ലെങ്കിൽ ഒരു യൂണിവേഴ്സിറ്റി ബിരുദവും ജർമൻ (A1) അല്ലെങ്കിൽ ഇംഗ്ലിഷ് (B2) എ ന്നിവയിൽ മതിയായ അറിവും ആവശ്യമാണ്.

ഓപ്പർട്യൂണിറ്റി കാർഡ് ഉടമയ്ക്കു രണ്ടാഴ്ചത്തെ ട്രയ ൽ ജോലിയോ പാർട് ടൈം ജോലിയോ (ആഴ്ചയിൽ 20 മ ണിക്കൂർ വരെ) എടുക്കാൻ അർഹത നൽകുന്നു.

കാർഡ് കൈവശമുള്ള ഉദ്യോഗാർഥികൾക്ക് ഒരു വർ ഷത്തേക്കു ജർമനിയിൽ തങ്ങാൻ അനുവാദമുണ്ട്. ഈ സമയത്ത്, ജോലി കണ്ടെത്തുന്നതിലാണു ശ്രദ്ധ കേന്ദ്രീകരിക്കേണ്ടത്. ഓപ്പർട്യൂണിറ്റി കാർഡ് ഉപയോഗിച്ചു നിങ്ങ ളുടെ താമസം രണ്ടു അധിക വർഷം വരെ നീട്ടാൻ സാധിക്കും. ഇതിനായി നിങ്ങൾ പ്രാദേശിക വിദേശികളുടെ റജിസ്ട്രേഷൻ ഓഫിസിൽ [Local Foreigners Registration Office] അപേക്ഷിക്കണം.

കാർഡിനുള്ള മാനദണ്ഡങ്ങൾ

ഓപ്പർട്യൂണിറ്റി കാർഡ് സുരക്ഷിതമാക്കാൻ നിങ്ങൾ ആ കെ ആറു പോയിന്റിൽ എത്തണം. ലെവൽ A1-ലെ ജർമൻ ഭാഷാ വൈദഗ്ധ്യം അല്ലെങ്കിൽ ലെവൽ B2-ലെ ഇംഗ്ലിഷ് ഭാഷാ പ്രാവീണ്യം എന്നിവയാണ് അടിസ്ഥാന ആവശ്യകതകൾ. കൂടാതെ (കുറഞ്ഞത്) രണ്ടു വർഷത്തെ തൊഴി ൽ പരിശീലനം അല്ലെങ്കിൽ നിങ്ങളുടെ രാജ്യത്ത് അംഗീകരിക്കപ്പെട്ട ഒരു യൂണിവേഴ്സിറ്റി ബിരുദം എന്നിവ ഉണ്ടാകണം. ഭാഷാ വൈദഗ്ധ്യം, പ്രഫഷനൽ അനുഭവം, പ്രായം, ജർമനിയുമായുള്ള ബന്ധം എന്നിവ പോയിന്റ് സിസ്റ്റത്തിന്റെ കൂടുതൽ മാനദണ്ഡങ്ങളിൽ ഉൾപ്പെടുന്നു.

ജർമനിയിൽ ജോലിക്കോ കുടിയേറ്റത്തിനോ ലക്ഷ്യമിടുന്ന വിദ്യാർഥികൾ പഠനത്തിനൊപ്പം തന്നെ ജർമൻ ഭാഷയിൽ അറിവു നേടാൻ ശ്രമിക്കണം. വിദ്യാഭ്യാസയോഗ്യതയും പരിചയസമ്പത്തും പോലെ തന്നെ ജർമൻ ഭാഷാപ്രാവീണ്യത്തിനും വളരെ പ്രാധാന്യമുണ്ട്.