നല്ല സോഫ്‌റ്റായ സ്പോഞ്ചി ബട്ടൂര, മിസ്സിസ് കെ. എം മാത്യുവിന്റെ രുചിക്കൂട്ടിൽ നിന്നും കലക്കൻ വിഭവം; വിഡിയോ കാണാം!

സ്പോഞ്ചി ബട്ടുര

1.ഇളംചൂടു പാൽ – കാൽ കപ്പ്

യീസ്‌റ്റ് – അര ചെറിയ സ്പൂൺ

പഞ്ചസാര – അര ചെറിയ സ്പൂൺ

2.മൈദ – അരക്കിലോ

വെണ്ണ – നാലു ചെറിയ സ്പൂൺ

3.പുളിയില്ലാത്ത തൈര് – അരക്കപ്പ്

പഞ്ചസാര – നാലു ചെറിയ സ്പൂൺ

ബേക്കിങ് സോഡ – രണ്ടു നുള്ള്

ഉപ്പ് – പാകത്തിന്

മുട്ട – ഒന്ന്

4.എണ്ണ – വറുക്കാൻ ആവശ്യത്തിന്

പാകം ചെയ്യുന്ന വിധം

∙ഒന്നാമത്തെ ചേരുവ യോജിപ്പിച്ചു പൊങ്ങാനായി മാറ്റിവയ്ക്കണം.

∙മൈദയിൽ വെണ്ണ ചേർത്തു നന്നായി ഞെരടി യോജിപ്പിക്കുക.

∙ഇതിനു നടുവിൽ ഒരു കുഴിയുണ്ടാക്കി അതിൽ മൂന്നാമത്തെ ചേരുവ യോജിപ്പിച്ചതു ചേർത്തു കുഴയ്ക്കണം.

∙ഇതിലേക്കു യീസ്‌റ്റു പൊങ്ങിയതും ചേർത്തു മയത്തിൽ കുഴയ്ക്കുക. ഒരു മണിക്കൂർ അനക്കാതെ മാറ്റി വയ്ക്കണം.

∙പിന്നീട് ചെറിയ ഉരുളകളാക്കി, പരത്തി ചൂടായ എണ്ണയിൽ വറുത്തു കോരുക.

∙ചൂടോടെ വിളമ്പാം.