ചിക്കൻ കറി ഒരിക്കലെങ്കിലും ഇങ്ങനെ തയാറാക്കി നോക്കൂ, രുചിയൂറും റെസിപ്പി!

ചിക്കൻ കറി

1.എണ്ണ – അരക്കപ്പ്

2.ചിക്കൻ – ഒരു കിലോ, കഷണങ്ങളാക്കിയത്

3.ഗ്രാമ്പൂ – മൂന്ന്

ഏലയ്ക്ക – നാല്

കറുവാപ്പട്ട – ഒരിഞ്ചു കഷണം

ബേ ലീഫ് – രണ്ട്

‌ കുരുമുളക് – എട്ട്

4.സവാള – മൂന്ന്

ഇഞ്ചി–വെളുത്തുള്ളി പേസ്‌റ്റ് – രണ്ടു വലിയ സ്പൂൺ

പച്ചമുളക് – നാല്, അരിഞ്ഞത്

5.കശ്മീരി മുളകുപൊടി – ഒരു വലിയ സ്പൂൺ

വറ്റൽമുളകു ചതച്ചത് – ഒരു ചെറിയ സ്പൂൺ

മല്ലിപ്പൊടി – ഒരു വലിയ സ്പൂൺ

ജീരകംപൊടി – ഒരു ചെറിയ സ്പൂൺ

‌മഞ്ഞൾപ്പൊടി – അര ചെറിയ സ്പൂൺ

6.തക്കാളി – രണ്ട്, പൊടിയായി അരിഞ്ഞത്

7.വെള്ളം – അരക്കപ്പ്

8.മല്ലിയില അരിഞ്ഞത് – ഒരു പിടി

പാകം ചെയ്യുന്ന വിധം

∙പാനിൽ എണ്ണ ചൂടാക്കി ചിക്കൻ കഷണങ്ങൾ വഴറ്റുക. ചിക്കൻ ഗോൾഡൻ നിറമാകുമ്പോൾ‌ കോരി മാറ്റി വയ്ക്കുക.

∙ഇതേ എണ്ണയിൽ മൂന്നാമത്തെ ചേരുവ ചേർത്തു വഴറ്റണം.

∙ഇതിലേക്കു നാലാമത്തെ ചേരുവ ചേർത്തു വഴറ്റി സവാള ഗോൾഡൻ ബ്രൗൺ നിറമാകുമ്പോള്‍ അഞ്ചാമത്തെ ചേരുവ ചേർത്തു വഴറ്റണം.

∙തക്കാളി ചേർത്തു വഴറ്റി വെള്ളവും ചേർത്തു മൂടി വച്ചു വേവിക്കുക.

∙തക്കാളി വെന്തുടയുമ്പോൾ വറുത്തു വച്ചിരിക്കുന്ന ചിക്കൻ കഷണങ്ങളും ചേർത്തിളക്കി പത്തു മിനിറ്റു മൂടിവച്ചു വേവിക്കുക.

∙വെന്തു കുറുകിവരുമ്പോൾ മല്ലിയില അരിഞ്ഞതും ചേർത്തിളക്കി വാങ്ങാം.