ചൂടു ചോറിനൊപ്പം രുചിയൂറും ഉണക്കമീൻ തൊക്ക്, ഇനി ഊണ് കേമം!

ഉണക്കമീൻ തൊക്ക്

1.ഉണക്കമ‌ീൻ – 100 ഗ്രാം

2.വെളിച്ചെണ്ണ – രണ്ടു വലിയ സ്പൂൺ

3.കടുക് – ഒരു ചെറിയ സ്പൂൺ

പെരുംജീരകം – ഒരു ചെറിയ സ്പൂൺ

4.വെളുത്തുള്ളി – പത്ത് അല്ലി, ചതച്ചത്

പച്ചമുളക് – രണ്ട്, അരിഞ്ഞത്

കറിവേപ്പില – ഒരു തണ്ട്

5.ചുവന്നുള്ളി – ഒരു കപ്പ്

6.മഞ്ഞൾപ്പൊടി – കാല്‍ ചെറിയ സ്പൂൺ

കശ്മീരി മുളകുപൊടി – ഒരു വലിയ സ്പൂൺ

7.തക്കാളി – ഒന്ന്, അരച്ചത്

8.ഉപ്പ് – പാകത്തിന്

പാകം ചെയ്യുന്ന വിധം

∙ഉണക്കമീൻ വൃത്തിയാക്കി കഷണങ്ങളാക്കി വയ്ക്കണം.

∙പാനിൽ വെളിച്ചെണ്ണ ചൂടാക്കി മൂന്നാമത്തെ ചേരുവ മൂപ്പിക്കുക.

∙നാലാമത്തെ ചേരുവ വഴറ്റി പച്ചമണം മാറുമ്പോൾ ചുവന്നുള്ളി ചേർത്തു വഴറ്റണം.

∙ഗോൾഡൻ ബ്രൗൺ നിറമാകുമ്പോൾ പൊടികൾ ചേർക്കണം.

∙തക്കാളി ചേർത്തു യോജിപ്പിച്ച് എണ്ണ തെളിയുമ്പോൾ പാകത്തിന് ഉപ്പും വെള്ളവും ഉണക്കമീനും ചേർത്തിളക്കി മൂടി വച്ചു വേവിക്കുക.

∙വെന്തു പാകമാകുമ്പോൾ മൂടി തുറന്നു വെള്ളം വറ്റിച്ചെടുക്കണം.

∙കറിവേപ്പില ചേർത്തിളക്കി വിളമ്പാം.