ഡൈനാമൈറ്റ് ചിക്കൻ, ഒരു ഈസി ടേസ്‌റ്റി റെസിപ്പി!

ഡൈനാമൈറ്റ് ചിക്കൻ

1.ചിക്കൻ എല്ലില്ലാതെ – 300 ഗ്രാം, ചെറിയ ചതുരക്കഷണങ്ങാക്കിയത്

2.വെളുത്തുള്ളി അരച്ചത് – ഒരു ചെറിയ സ്പൂൺ

സോയാ സോസ് – രണ്ടു ചെറിയ സ്പൂൺ

മുളകുപൊടി – ഒരു ചെറിയ സ്പൂൺ
ഒറിഗാനോ – അര ചെറിയ സ്പൂൺ

ഉപ്പ് – പാകത്തിന്

3.മൈദ – അരക്കപ്പ്

കോൺഫ്ലോര്‍ – അരക്കപ്പ്
ഉപ്പ്,കുരുമുളകുപൊടി – പാകത്തിന്

4.മുട്ട – രണ്ട്

ഉപ്പ്,കുരുമുളകുപൊടി – പാകത്തിന്

5.എണ്ണ – വറുക്കാൻ ആവശ്യത്തിന്

സോസിന്

6.മയ‍ണീസ് – ഒരു കപ്പ്

‍ ചില്ലി സോസ് – രണ്ടു ചെറിയ സ്പൂൺ

ടുമാറ്റോ കെച്ചപ്പ് – മൂന്നു ചെറിയ സ്പൂൺ

കാശ്മീരി മുളകുപൊടി – അര ചെറിയ സ്പൂൺ

വെളുത്തുള്ളി അരച്ചത് – അര ചെറിയ സ്പൂൺ

പാകം ചെയ്യുന്ന വിധം

∙ചിക്കൻ കഴുകി വൃത്തിയാക്കി വയ്ക്കുക.

∙ഇതിലേക്കു രണ്ടാമത്തെ ചേരുവ ചേർത്ത് നന്നായി യോജിപ്പിച്ച് അര മണിക്കൂർ വയ്ക്കുക.

∙ഒരു ബൗളിൽ മൂന്നാമത്തെ ചേരുവ യോജിപ്പിച്ച് വയ്ക്കുക.

∙മറ്റൊരു ബൗളിൽ മുട്ട, ഉപ്പും കുരുമുളകുപൊടിയും ചേർത്തു നന്നായി അടിച്ചു വയ്ക്കണം.

∙ചിക്കൻ ഒരോ കഷണം വീതം എടുത്ത് ആദ്യം മുട്ട മിശ്രിതത്തിൽ മുക്കി മൈദ മിശ്രിതത്തിൽ പൊതിഞ്ഞ് വീണ്ടും മുട്ടയിൽ മുക്കി മൈദയിൽ പൊതിഞ്ഞ് ചൂടായ എണ്ണയിൽ വറുത്തു കോരുക.

∙സോസിനൊപ്പം വിളമ്പാം.

∙സോസ് തയാറാക്കാൻ ആറാമത്തെ ചേരുവ നന്നായി യോജിപ്പിക്കുക. ആവശ്യമെങ്കിൽ അല്പം കുരുമുളകുപൊടി ചേർക്കാം.

തയാറാക്കുന്ന വിധം വിഡിയോയിൽ കാണാം...