കൊതിപ്പിക്കും രുചിയിൽ ഫിഷ് മഖ്നി, ഈസി റെസിപ്പി!

ഫിഷ് മഖ്നി

1.മീൻ – അരക്കിലോ, വലിയ കഷണങ്ങളായി മുറിച്ചത്

2.മഞ്ഞൾപ്പൊടി – കാൽ ചെറിയ സ്പൂൺ

മുളകുപൊടി – ഒരു ചെറിയ സ്പൂൺ

ഉപ്പ് – പാകത്തിന്

3.എണ്ണ – രണ്ടു വലിയ സ്പൂൺ

4.വെണ്ണ – 200 ഗ്രാം

5.വറ്റൽമുളക് – രണ്ട്

വെളുത്തുള്ളി അരച്ചത് – അര ചെറിയ സ്പൂൺ

ഇഞ്ചി അരച്ചത് – അര ചെറിയ സ്പൂണ്‍

6.ടുമാറ്റോ പ്യൂരി – ഒന്നരക്കപ്പ്

7.ജീരകംപൊടി – രണ്ടു ചെറിയ സ്പൂൺ

പഞ്ചസാര – മൂന്നു ചെറിയ സ്പൂൺ

കാശ്മീരി മുളകുപൊടി – രണ്ടു ചെറിയ സ്പൂൺ

8.ഗ്രീൻ ചില്ലി സോസ് – അര ചെറിയ സ്പൂൺ

9.തൈര് – കാൽ കപ്പ്

10.വെള്ളം – കാൽ കപ്പ്

11.ഉപ്പ് – പാകത്തിന്

12.മല്ലിയില – അലങ്കരിക്കാൻ

പാകം ചെയ്യുന്ന വിധം

∙മീനിൽ രണ്ടാമത്തെ ചേരുവ പുരട്ടി അരമണിക്കൂർ വയ്ക്കുക.

∙പാനിൽ എണ്ണ ചൂടാക്കി മുക്കാൽ വേവിൽ വറുത്ത് കോരുക.

∙മറ്റൊരു പാനിൽ വെണ്ണ ചൂടാക്കി അഞ്ചാമത്തെ ചേരുവ ചേർത്തു പച്ചമണം മാറുന്നതു വരെ വഴറ്റുക.

∙ഇതിലേക്കു ടുമാറ്റോ പ്യൂരി ചേർക്കുക. ശേഷം ഏഴാമത്തെ ചേരുവ ചേർത്ത് നന്നായി വഴറ്റി യോജിപ്പിക്കുക.

∙ഇതിലേക്കു ഗ്രീൻ ചില്ലി സോസ് ചേർക്കകു.

∙കുറുകി തുടങ്ങുമ്പോൾ തൈര് ചേർത്ത് ഇളക്കി യോജിപ്പിക്കുക.

‌∙എണ്ണ തെളിയിമ്പോൾ വറുത്തു വച്ചിരിക്കുന്ന മീൻ ചേർക്കുക. മീൻ നന്നായി ഗ്രേവിയിൽ പൊതിയണം.

∙വെള്ളം ചേർത്തു തിളപ്പിച്ച് പാകത്തിനു കുറുകുമ്പോൾ ഉപ്പ് പാകത്തിനാക്കുക.

∙മല്ലിയില വിതറി ചൂടോടെ വിളമ്പാം.