ചപ്പാത്തിക്കും പത്തിരിക്കും ഒപ്പം കഴിക്കാൻ ക്രീമി എഗ്ഗ് മലായ് മസാല, രുചിയൂറും റെസിപ്പി!

എഗ്ഗ് മലായ് മസാല

1.മുട്ട – എട്ട്, പുഴുങ്ങിയത്

2.മഞ്ഞൾപ്പൊടി – അര ചെറിയ സ്പൂൺ

ഉപ്പ് – പാകത്തിന്

3.എണ്ണ – വറുക്കാൻ ആവശ്യത്തിന്

4.എണ്ണ – രണ്ടു വലിയ സ്പൂൺ

5.ജീരകം – ഒരു ചെറിയ സ്പൂൺ

കറുവാപ്പട്ട – ഒരു കഷണം

ഏലയ്ക്ക് – മൂന്ന്

വറ്റൽമുളക് – നാല്

തക്കോലം – ഒന്ന്

ബേ ലീഫ്സ് – നാല്

6.സവാള – നാല്, അരച്ചത്

7.ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ

8.മഞ്ഞൾപ്പൊടി – ഒരു ചെറിയ സ്പൂൺ

കശ്മീരി മുളകുപൊടി – രണ്ടു ചെറിയ സ്പൂൺ

മല്ലിപ്പൊടി – രണ്ടു ചെറിയ സ്പൂൺ

ഉപ്പ് – പാകത്തിന്

കുരുമുളകുപൊടി – ഒരു ചെറിയ സ്പൂൺ

9.പുളിയില്ലാത്ത തൈര് – ഒരു കപ്പ്

10.കശുവണ്ടിപ്പരിപ്പ് – 50 ഗ്രാം, കുതിർത്തത്

കശ്കശ് – ഒരു ചെറിയ സ്പൂൺ

11.മല്ലിയില, അരിഞ്ഞത് – രണ്ടു വലിയ സ്പൂൺ

ഫ്രഷ് ക്രീം – 50 മില്ലി

ഗരംമസാലപ്പൊടി – ഒരു ചെറിയ സ്പൂൺ

കസൂരിമേത്തി – ഒരു ചെറിയ സ്പൂൺ

പച്ചമുളക് – നാല്, നീളത്തിൽ അരിഞ്ഞത്

12.മല്ലിയില, അരിഞ്ഞത് – അലങ്കരിക്കാൻ

പാകം ചെയ്യുന്ന വിധം

∙മുട്ടയിൽ രണ്ടാമത്തെ ചേരുവ പുരട്ടി എണ്ണയിൽ വറുത്തു കോരി മാറ്റി വയ്ക്കുക.

∙പാനിൽ എണ്ണ ചൂടാക്കി അഞ്ചാമത്തെ ചേരുവ വഴറ്റുക.

∙ഇതിലേക്കു സവാള അരച്ചതു ചേർത്തു വഴറ്റണം.

∙വഴന്നു വരുമ്പോൾ ഇഞ്ചി–വെളുത്തുള്ളി പേസ്‌റ്റ് ചേർത്തു വഴറ്റുക.

∙എട്ടാമത്തെ ചേരുവയിൽ തൈരു ചേർത്തു യോജിപ്പിച്ചതും പാകത്തിന് വെള്ളവും ചേർത്തു വഴറ്റണം.

∙തിളയ്ക്കുമ്പോൾ ഇതിലേക്കു വറുത്തു വച്ചിരിക്കുന്ന മുട്ട ചേർക്കണം.

∙പത്താമത്തെ ചേരുവ നന്നായി അരച്ചതും ചേർത്ത് ഇളക്കി യോജിപ്പിക്കുക.

∙ഇതിലേക്കു പതിനൊന്നാമത്തെ ചേരുവ ചേർത്ത് ഇളക്കി വാങ്ങാം.

∙മല്ലിയില കൊണ്ട് അലങ്കരിച്ചു വിളമ്പാം.