വായിൽ കപ്പലോടും രുചിയിൽ ചെമ്മീൻ വരട്ടിയത്, തയാറാക്കാം ഈസിയായി!

ചെമ്മീൻ വരട്ടിയത്

1.ചെമ്മീൻ – കാൽ കിലോ

2.മഞ്ഞൾപ്പൊടി – കാൽ ചെറിയ സ്പൂൺ

മുളകുപൊടി – അര ചെറിയ സ്പൂൺ

ഉപ്പ് – പാകത്തിന്

കറിവേപ്പില – രണ്ടു തണ്ട്

ഇഞ്ചി–വെളുത്തുള്ളി, ചതച്ചത് – ഒരു ചെറിയ സ്പൂൺ

കുടംപുളി – ഒരു ചെറിയ കഷണം

തേങ്ങാക്കൊത്ത് – കാൽ കപ്പ്

വെള്ളം – കാൽ കപ്പ്

3.വെളിച്ചെണ്ണ – രണ്ടു ചെറിയ സ്പൂൺ

4.സവാള – ഒന്ന്, അരിഞ്ഞത്

ചുവന്നുള്ളി – പത്ത്, അരിഞ്ഞത്

5.ഇഞ്ചി–വെളുത്തുള്ളി, ചതച്ചത് – ഒരു ചെറിയ സ്പൂൺ

6.മഞ്ഞൾപ്പൊടി – കാൽ ചെറിയ സ്പൂൺ

മുളകുപൊടി – ഒരു ചെറിയ സ്പൂൺ

മല്ലിപ്പൊടി – അര ചെറിയ സ്പൂൺ

പെരുംജീരകംപൊടി – അര ചെറിയ സ്പൂൺ

കുരുമുളകുപൊടി – കാൽ ചെറിയ സ്പൂൺ

ഉപ്പ്– പാകത്തിന്

7.തക്കാളി – ഒന്ന്, ചെറിയ ചതുരക്കഷണങ്ങളാക്കിയത്

പച്ചമുളക് – രണ്ട്

കറിവേപ്പില – ഒരു തണ്ട്

8.വെളിച്ചെണ്ണ – രണ്ടു ചെറിയ സ്പൂൺ

കറിവേപ്പില – ഒരു തണ്ട്

പാകം ചെയ്യുന്ന വിധം

∙ചെമ്മീനിൽ രണ്ടാമത്തെ ചേരുവ ചേർത്തു വേവിച്ചു വയ്ക്കുക.

∙പാനിൽ വെളിച്ചെണ്ണ ചൂടാക്കി നാലാമത്തെ ചേരുവ വഴറ്റണം.

∙ഇഞ്ചി, വെളുത്തുള്ളി ചതച്ചതും ചേർത്തു വഴറ്റി പച്ചമണം മാറുമ്പോൾ ആറാമത്തെ ചേരുവ ചേർത്തു വഴറ്റുക.

∙വേവിച്ചു വച്ച ചെമ്മീൻ ചേർത്തു വഴറ്റി അഞ്ചു മിനിറ്റു മൂടിവച്ചു വേവിക്കണം.

∙ഏഴാമത്തെ ചേരുവ ചേർത്തു രണ്ടു മിനിറ്റ് ഇളക്കി വെളിച്ചെണ്ണയും കറിവേപ്പിലയും ചേർത്തു യോജിപ്പിച്ചു വാങ്ങാം.