പാൽ കൊഞ്ച് ഇങ്ങനെ തയാറാക്കി നോക്കൂ, രുചി കൂടും!

പാൽ കൊഞ്ച്

1.ചെമ്മീൻ – ഒരു കിലോ

2.മഞ്ഞൾപ്പൊടി – അര ചെറിയ സ്പൂൺ

ഉപ്പ് – പാകത്തിന്

കുരുമുളക് – അര ചെറിയ സ്പൂൺ

ഉലുവ പൊടി – കാൽ ചെറിയ സ്പൂൺ

വറ്റൽമുളക് ചതച്ചത് – ഒരു ചെറിയ സ്പൂൺ

3.വെളിച്ചെണ്ണ – രണ്ടു വലിയ സ്പൂൺ

4.വെളുത്തുള്ളി ചതച്ചത് – ഒരു വലിയ സ്പൂൺ

ഇഞ്ചി അരിഞ്ഞത് – ഒരു ചെറിയ സ്പൂൺ

കാന്താരി മുളക് – അഞ്ച്, ചതച്ചത്

കറിവേപ്പില – ഒരു തണ്ട്

5.കട്ടി തേങ്ങാപ്പാൽ – ഒരു കപ്പ്

പാകം ചെയ്യുന്ന വിധം

∙ചെമ്മീൻ തൊണ്ടും നാരും കളഞ്ഞു വൃത്തിയാക്കി രണ്ടാമത്തെ ചേരുവ ചേർത്ത് അരമണിക്കൂർ വയക്കുക.

∙പാനിൽ വെളിച്ചെണ്ണ ചൂടാക്കി ചെമ്മീൻ ചേർത്തു വേവിക്കുക.

∙മുക്കാൽ വേവാകുമ്പോൾ നാലാമത്തെ ചേരുവ ചേർത്തു വഴറ്റണം.

∙ഇതിലേക്കു തേങ്ങാപ്പാൽ‌ ചേർത്തിളക്കി വറ്റിച്ചെടുക്കുക.

∙ഉപ്പു പാകത്തിനാക്കി കറിവേപ്പില ചേർത്തിളക്കി വാങ്ങി ചൂടോടെ വിളമ്പാം.