‘പരിപ്പ് തക്കാളിക്കറിയും വഴുതനങ്ങ തീയലും’; ഊണുകാലം രുചികരമാക്കാന്‍ രണ്ടു ഒഴിച്ചുകറികള്‍

വഴുതനങ്ങ തീയൽ

1. വഴുതനങ്ങ – 125 ഗ്രാം, ചതുര കഷണങ്ങളാക്കിയത്

2. ഉപ്പ് – പാകത്തിന്

മഞ്ഞൾപ്പൊടി – കാൽ ചെറിയ സ്പൂൺ

3. വെളിച്ചെണ്ണ – രണ്ടര വലിയ സ്പൂണ്‍

4. തേങ്ങ ചുരണ്ടിയത് – ഒരു കപ്പ്

ചുവന്നുള്ളി കനം കുറച്ചു നീളത്തിൽ അരിഞ്ഞത് – ഒരു ചെറിയ സ്പൂൺ

5. വറ്റൽമുളക് – നാല്

മല്ലി – ഒരു ചെറിയ സ്പൂൺ

ഉലുവ – ഒരു നുള്ള്

ജീരകം – ഒരു നുള്ള്

6. തക്കാളി – രണ്ട്, ഓരോന്നും നാലു കഷണങ്ങളാക്കിയത്

പച്ചമുളക് – നാല്, അറ്റം പിളർന്നത്

വാളൻപുളി പിഴിഞ്ഞത്, ഉപ്പ് – പാകത്തിന്

7. കടുക് – കാൽ ചെറിയ സ്പൂൺ

ഉലുവ – ഒരു നുള്ള്

8. ചുവന്നുള്ളി – മൂന്ന്, അരിഞ്ഞത്

വറ്റൽമുളക് – രണ്ട്, കഷണങ്ങളാക്കിയത്

പാകം ചെയ്യുന്ന വിധം

∙ വഴുതനങ്ങക്കഷണങ്ങളിൽ ഉപ്പും മഞ്ഞൾപ്പൊടിയും പു രട്ടി വയ്ക്കണം.

∙ നോൺസ്റ്റിക് പാനിൽ അര വലിയ സ്പൂൺ വെളിച്ചെണ്ണ ചൂടാക്കി തേങ്ങയും ചുവന്നുള്ളിയും ചെറുതീയിൽ വച്ചു ബ്രൗൺ നിറത്തില്‍ വറുത്തു മാറ്റി വയ്ക്കുക.

∙ മറ്റൊരു പാനില്‍ അഞ്ചാമത്തെ ചേരുവ യഥാക്രമം ചേര്‍ ത്തു വറുത്തു തേങ്ങ വറുത്തതിൽ ചേർത്തു ചൂടാറിയ ശേഷം മയത്തിൽ അരയ്ക്കണം.

∙ ഒരു വലിയ സ്പൂൺ വെളിച്ചെണ്ണ ചൂടാക്കി വഴുതനങ്ങ ചേർത്തു വഴറ്റി, വാങ്ങുക. ഇതിലേക്ക് ആറാമത്തെ ചേ രുവ ചേർത്ത ശേഷം അരപ്പ് അൽപം വെള്ളത്തിൽ കലക്കിയതും അൽപം വെള്ളവും ചേർത്തു ചെറുതീയിൽ വച്ചു വേവിക്കണം.

∙ ഗ്രേവി കുറുകി വരുമ്പോൾ വാങ്ങി വയ്ക്കാം.

∙ ബാക്കി വെളിച്ചെണ്ണ ചൂടാക്കി കടുകും ഉലുവയും മൂപ്പിച്ച് എട്ടാമത്തെ ചേരുവ ചേർത്തു താളിച്ചു കറിയിൽ ചേർത്തു വിളമ്പാം.

പരിപ്പ് തക്കാളിക്കറി

1. ചെറുപരിപ്പ് – അരക്കപ്പ്

സവാള കനം കുറച്ചരിഞ്ഞത് – രണ്ടു വലിയ സ്പൂൺ

വെളുത്തുള്ളി – നാല് അല്ലി

മഞ്ഞൾപ്പൊടി – കാല്‍ ചെറിയ സ്പൂൺ

വെള്ളം – പാകത്തിന്

2. തക്കാളി – 250 ഗ്രാം, കഷണങ്ങളാക്കിയത്

പച്ചമുളക് – നാല്, നീളത്തിൽ അരിഞ്ഞത്

ഉപ്പ് – പാകത്തിന്

3. തേങ്ങ ചുരണ്ടിയത് – അരക്കപ്പ്

ജീരകം – അര ചെറിയ സ്പൂൺ

മഞ്ഞൾപ്പൊടി – കാല്‍ ചെറിയ സ്പൂൺ

4. വെളിച്ചെണ്ണ – ഒരു വലിയ സ്പൂൺ

5. കടുക് – ഒരു ചെറിയ സ്പൂൺ

6. വറ്റൽമുളക് – രണ്ട്, കഷണങ്ങളാക്കിയത്

7. കശ്മീരി മുളകുപൊടി – അര ചെറിയ സ്പൂൺ

പാകം ചെയ്യുന്ന വിധം

∙ ഒന്നാമത്തെ ചേരുവ അടുപ്പത്തു വച്ചു നന്നായി വേവിക്കുക.

∙ വെന്തു വരുമ്പോൾ തക്കാളിയും പച്ചമുളകും ഉപ്പും ചേർത്തു വേവിക്കണം.

∙ ഇതിലേക്കു മൂന്നാമത്തെ ചേരുവ മയത്തിൽ അരച്ചതു ചേ ർത്തു നന്നായി യോജിപ്പിച്ചു വാങ്ങുക.

∙ വെളിച്ചെണ്ണ ചൂടാക്കി കടുകു പൊട്ടിച്ച ശേഷം വറ്റൽമുളകു മൂപ്പിച്ചു തീ അണയ്ക്കണം. ഇതിലേക്കു മുളകുപൊടി ചേ ർത്തിളക്കി കറിയിൽ ചേർത്തു വിളമ്പാം.

ഫോട്ടോ: വിഷ്ണു നാരായണൻ, ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയത് : മുബഷീര്‍ സി. എം., കോമി ഷെഫ്, ക്രൗണ്‍ പ്ലാസ, കൊച്ചി.