ചാട്ട് വിഭവങ്ങൾ ഇനി വീട്ടിലും; എളുപ്പത്തില്‍ തയാറാക്കാന്‍ റെസിപ്പി ഇതാ...

പാനി പൂരി

1.    ഉരുളക്കിഴങ്ങു പുഴുങ്ങിയത്         – രണ്ടു കപ്പ്

    ഗ്രീൻപീസ് പുഴുങ്ങിയത് – അരക്കപ്പ്

2.    ഉപ്പ് – പാകത്തിന്

    ചാട്ട് മസാല – അര ചെറിയ സ്പൂൺ

3.    പാനി പൂരി മസാല         – രണ്ടു വലിയ സ്പൂൺ

4.    െചറിയ പൂരി – 10

5.    പുളി ചട്നി – പാകത്തിന്

പാകം ചെയ്യുന്ന വിധം

∙    പുഴുങ്ങിയ ഉരുളക്കിഴങ്ങും ഗ്രീൻപീ സും യോജിപ്പിച്ച് ഉടച്ചു പാകത്തിനു പ്പും ചാട്ട് മസാലയും ചേർത്തു വീണ്ടും ഉടച്ചു വയ്ക്കണം.

∙ പാനി പൂരി മസാല തണുത്ത വെള്ളം ചേർ ത്തു മിക്സിയിൽ അടിച്ചു യോജിപ്പിക്കുക.

∙    പൂരിയുടെ മുകൾഭാഗം മെല്ലേ പൊട്ടിച്ച് അ ല്പം ഉരുളക്കിഴങ്ങു മിശ്രിതം ഉള്ളിൽ നിറച്ച് മുകളിൽ പുളി ചട്നി ഒഴിച്ചു പാനി പൂരി വെള്ളത്തിൽ മുക്കിയെടുത്ത് ഉടനെ കഴിക്കുക.

പാപ്ടി ചാട്ട്

1.    പാപ്ടി – 10

2.    സവാള പൊടിയായി അരിഞ്ഞത്         – ഒരു കപ്പ്

    തക്കാളി പൊടിയായി അരിഞ്ഞത്         – ഒരു കപ്പ്

    കാരറ്റ് ഗ്രേറ്റ് ചെയ്തത് – ഒരു കപ്പ്

    ഉരുളക്കിഴങ്ങു പുഴുങ്ങി ചെറിയ         ചതുരക്കഷണങ്ങളാക്കിയത്         – ഒരു കപ്പ് 

3.    ഗ്രീൻ ചട്‌നി – അരക്കപ്പ്

    പുളി ചട്നി – അരക്കപ്പ്

4.    ഉപ്പ് – പാകത്തിന്

    ചാട്ട് മസാല – അര ചെറിയ സ്പൂൺ

5. സേവ് – ഒരു വലിയ സ്പൂൺ

6.  മല്ലിയില – ഒരു കപ്പ്

പാകം ചെയ്യുന്ന വിധം

∙ ഒരു ട്രേയിൽ പാപ്ടി ഓരോന്നായി നി രത്തി വയ്ക്കുക.

∙ രണ്ടാമത്തെ ചേരുവ യോജിപ്പിച്ചതു അല്പം വീതം ഒാരോ പാപ്ടിയുടെയും മുകളില്‍ വയ്ക്കുക.

∙    മുകളിലായി ഒാരോ ചെറിയ സ്പൂൺ വീതം ഗ്രീൻ ചട്‌നിയും പുളി ചട്‌നിയും ഒഴിക്കണം.

∙    ഇതിനു മുകളിൽ പാകത്തിനുപ്പും ചാട്ട് മസാ ലയും വിതറി മുകളിൽ സേവും മല്ലിയിലയും വിതറി അലങ്കരിച്ചു വിളമ്പാം.

സേവ് പൂരി

1.    പാപ്ടി/പൂരി – പത്ത്

2.    സവാള പൊടിയായി അരിഞ്ഞത്         – ഒരു കപ്പ്

    കാരറ്റ് ഗ്രേറ്റ് ചെയ്തത് – ഒരു കപ്പ്

    ഉരുളക്കിഴങ്ങു പുഴുങ്ങി ചെറിയ         ചതുരക്കഷണങ്ങളാക്കിയത്         – ഒരു കപ്പ് 

3.    ഗ്രീൻ ചട്‌നി – അരക്കപ്പ്

    പുളി ചട്നി – അരക്കപ്പ്

4.    ഉപ്പ് – പാകത്തിന്

    ചാട്ട് മസാല – അര ചെറിയ സ്പൂൺ

5.    തൈര് – ഒരു കപ്പ്

6.    സേവ് – ഒരു കപ്പ്        മല്ലിയില – ഒരു കപ്പ്

പാകം ചെയ്യുന്ന വിധം

∙    പാപ്ടി/പൂരി ട്രേയിൽ നിരത്തുക.

∙    രണ്ടാമത്തെ ചേരുവ യോജിപ്പിച്ചത് അല്പം വീതം ഒാരോ പാപ്ടിയുടെയും മുകളിൽ വ യ്ക്കുക.

∙    മുകളിലായി ഒാരോ ചെറിയ സ്പൂൺ വീതം ഗ്രീൻ ചട്‌നിയും പുളി ചട്‌നിയും ഒഴിക്കണം.

∙    ഇതിനു മുകളിലായി പാകത്തിനുപ്പും ചാട്ട് മസാലയും വിതറി മുകളിൽ തൈര് ഒഴിക്കുക.

∙    മുകളിൽ ധാരാളം സേവ വിതറുക. മല്ലിയില കൊണ്ട് അലങ്കരിച്ചു വിളമ്പാം.

Chat recipes: Oottupura, Panampilly Nagar, Ekm