ഓണം കളറാകാന്‍ ബീറ്റ്റൂട്ട് പച്ചടി; സിമ്പിള്‍ റെസിപ്പി

ഓണവിരുന്നിന് നിറവും രുചിയും പകരുന്ന രസികന്‍ വിഭവമാണ് ബീറ്റ്റൂട്ട് പച്ചടി. പാനസോണിക് ഉണ്ടെങ്കില്‍ വളരെ എളുപ്പത്തിൽ തയാറാക്കാവുന്നതാണ് ഈ രുചിക്കൂട്ട്. 

ബീറ്റ്റൂട്ട് പച്ചടി

ചേരുവകള്‍ 

ബീറ്റ്റൂട്ട് - 250 ഗ്രാം 

ഉപ്പ് - ആവശ്യത്തിന് 

വെള്ളം - 1 കപ്പ്‌ 

തൈര് - 1/2 കപ്പ്‌ 

തേങ്ങ ചിരകിയത് - 1/2 കപ്പ്‌ 

പച്ചമുളക് - 2 എണ്ണം 

ജീരകം - 1/4 tsp 

കടുക് - 1 tsp 

കറിവേപ്പില - ആവശ്യത്തിന് 

വെളിച്ചെണ്ണ - ആവശ്യത്തിന്

വറ്റൽമുളക് - 3 എണ്ണം 

പാകം ചെയ്യുന്ന വിധം

. ബീറ്റ്റൂട്ട് കഷണങ്ങളാക്കി ആവശ്യത്തിന് ഉപ്പും വെള്ളവും ചേർത്ത് വേവിച്ചെടുക്കുക.

. ചിരകിയ തേങ്ങയും പച്ചമുളകും കടുക് ജീരകം, ഉപ്പ്, വെള്ളം എന്നിവ ചേർത്ത് മിക്സിയിൽ അരച്ചെടുക്കുക. വേവിച്ചെടുത്ത ബീറ്റ്റൂട്ടും അരച്ചെടുക്കുക.

. ആദ്യം അരച്ചുവച്ച തേങ്ങയുടെ അരപ്പ് പാത്രത്തിലിട്ട് ചൂടാക്കി എടുക്കാം. അതിലേക്ക് അരച്ചുവച്ച ബീറ്റ്റൂട്ടും ചേർക്കുക. തൈരും കൂടി ചേർത്ത് മിക്സ് ചെയ്യുക. 

. പാകമാകുമ്പോൾ കറിവേപ്പില, വറ്റൽമുളക് എന്നിവ വെളിച്ചെണ്ണയിൽ താളിച്ചു ചേർക്കാം.  

ഇത്തവണത്തെ ഓണം പാനസോണിക്കിനൊപ്പം ആഘോഷിക്കൂ...