ചപ്പാത്തിക്കും പൊറോട്ടയ്ക്കും ഒപ്പം കലക്കൻ രുചിയിൽ ചിക്കൻ റോസ്‌റ്റ്, വെറൈറ്റി റെസിപ്പി!

ചിക്കൻ റോസ്‌റ്റ്

1.ചിക്കൻ ബ്രെസ്‌റ്റ് – രണ്ട്

2.കശ്മീരി മുളകുപൊടി – ഒരു വലിയ സ്പൂൺ
മല്ലിപ്പൊടി – ഒരു ചെറിയ സ്പൂൺ

കുരുമുളകുപൊടി – ഒരു ചെറിയ സ്പൂൺ

ഉപ്പ് – പാകത്തിന്

വെളുത്തുള്ളി അരച്ചത് – ഒരു വലിയ സ്പൂൺ

തൈര് – ഒരു വലിയ സ്പൂൺ

3.എണ്ണ – മൂന്നു വലിയ സ്പൂൺ

4.സവാള – ഒന്ന്, പൊടിയായി അരിഞ്ഞത്

കാപ്സിക്കം – ഒന്നിന്റെ പകുതി, പൊടിയായി അരിഞ്ഞത്

പച്ചമുളക് – രണ്ട്, പൊടിയായി അരിഞ്ഞത്

5.സോയ സോസ് – ഒരു വലിയ സ്പൂൺ

6.കശുവണ്ടിപ്പരിപ്പ് – അഞ്ച്, കുതിർത്തത്

തൈര് – മൂന്നു വലിയ സ്പൂൺ

വെള്ളം – കാൽ കപ്പ്

പാകം ചെയ്യുന്ന വിധം

∙ചിക്കൻ നീളത്തിൽ മുറിച്ചു രണ്ടാമത്തെ ചേരുവ ചേർത്തു യോജിപ്പിച്ച് അരമണിക്കൂർ വയ്ക്കുക.

∙പാനിൽ എണ്ണ ചൂടാക്കി ചിക്കൻ കഷണങ്ങൾ തിരിച്ചും മറിച്ചുമിട്ടു ഗ്രിൽ ചെയ്തു മാറ്റി വയ്ക്കണം.

∙ഇതേ എണ്ണയിൽ നാലാമത്തെ ചേരുവ വഴറ്റുക.

∙സോയ സോസും വറുത്തു വച്ചിരിക്കുന്ന ചിക്കനും ചേർത്തിളക്കി വഴറ്റണം.

∙ആറാമത്തെ ചേരുവ മിക്സിയിൽ അരച്ചതു ചേർത്തിളക്കി കുറുകുമ്പോൾ വാങ്ങാം.

∙മല്ലിയില കൊണ്ട് അലങ്കരിച്ചു വിളമ്പാം.