അപ്പത്തിനും ചപ്പാത്തിക്കും ഒപ്പം അടാറു രുചിയിൽ ഗ്രീൻ പീസ് കറി!

ഗ്രീൻ പീസ് കറി

1.എണ്ണ – രണ്ടു വലിയ സ്പൂൺ

2.ബേ ലീഫ് – രണ്ട്

ഗ്രാമ്പൂ – അ‍ഞ്ച്

ഏലയ്ക്ക – നാല്

കറുവാപ്പട്ട – ഒന്ന്

3.സവാള – ഒന്ന്, പൊടിയായി അരിഞ്ഞത്

ഇ‍ഞ്ചി വെളുത്തുള്ളി പേസ്‌റ്റ് – ഒരു വലിയ സ്പൂൺ

4.മല്ലിപ്പൊടി – ഒരു ചെറിയ സ്പൂൺ

മുളകുപൊടി – ഒന്നര ചെറിയ സ്പൂൺ

മഞ്ഞൾപ്പൊടി – കാൽ ചെറിയ സ്പൂൺ

ഉപ്പ് – പാകത്തിന്

5.തക്കാളി – ഒന്ന്

കശുവണ്ടിപ്പരിപ്പ് – അഞ്ച്, കുതിർത്തത്

പച്ചമുളക് – രണ്ട്

മല്ലിയില – കാൽ കപ്പ്

6.വെള്ളം – പാകത്തിന്

7.ഗ്രീൻ പീസ് – ഒരു കപ്പ്

8.കസൂരി മേത്തി – അര ചെറിയ സ്പൂൺ

ഗരംമസാലപൊടി – അര ചെറിയ സ്പൂൺ

മല്ലിയില അരിഞ്ഞത് – ഒരു വലിയ സ്പൂൺ

ക്രീം – ഒരു വലിയ സ്പൂൺ

പാകം ചെയ്യുന്ന വിധം

∙പാനിൽ എണ്ണ ചൂടാക്കി രണ്ടാമത്തെ ചേരുവ വഴറ്റുക.

∙പച്ചമണം മാറുമ്പോൾ മൂന്നാമത്തെ ചേരുവ ചേര്‍ത്തു വഴറ്റണം.

∙സവാള കണ്ണാടിപ്പരുവമാകുമ്പോൾ പൊടികൾ ചേർത്തു മൂപ്പിക്കുക.

∙അഞ്ചാമത്തെ ചേരുവ നന്നായി അരച്ചു കറിയിൽ ചേർത്തു വഴറ്റണം.

∙എണ്ണ തെളിഞ്ഞു വരുമ്പോൾ പാകത്തിനു വെള്ളം തേർത്തു തിളപ്പിച്ച് പീസും ചേർത്തു മൂടിവച്ചു വേവിക്കുക.

∙എട്ടാമത്തെ ചേരുവ ചേർത്തിളക്കി വാങ്ങാം.