വണ്ണം കുറയ്ക്കാൻ ആഗ്രഹിക്കുന്നെങ്കിൽ കഴിക്കാം ഈ ഹെൽതി സാലഡ്!

ഹെൽതി സാലഡ്

1.കടല മുളപ്പിച്ചത് – ഒരു കപ്പ്

2.പനീർ – 100 ഗ്രാം

3.കശ്മീരി മുളകുപൊടി – ഒരു ചെറിയ സ്പൂൺ

ജീരകംപൊടി – ഒരു ചെറിയ സ്പൂൺ

മല്ലിപ്പൊടി – ഒരു ചെറിയ സ്പൂൺ

ഉപ്പ് – പാകത്തിന്

4.വെണ്ണ – ഒരു ചെറിയ സ്പൂൺ

5.സവാള – ഒന്ന്, പൊടിയായി അരിഞ്ഞത്

തക്കാളി – ഒന്ന്, പൊടിയായി അരിഞ്ഞത്

കുക്കുമ്പർ – ഒന്ന്, പൊടിയായി അരിഞ്ഞത്

മല്ലിയില പൊടിയായി അരിഞ്ഞത് – കാൽ കപ്പ്

ഡ്രസ്സിങ്ങിന്:

6.നാരങ്ങനീര് – ഒരു വലിയ സ്പൂൺ

കശ്മീരി മുളകുപൊടി – കാൽ ചെറിയ സ്പൂൺ

ഉപ്പ് – പാകത്തിന്

ഒലിവ് ഓയിൽ – ഒരു ചെറിയ സ്പൂൺ

പാകം ചെയ്യുന്ന വിധം

∙മുളപ്പിച്ച കടല ആവയില്‍ വേവിച്ചു മാറ്റി വയ്ക്കുക.

∙പനീർ കഷണങ്ങളാക്കിയതിൽ മൂന്നാമത്തെ ചേരുവ യോജിപ്പിച്ചു വെണ്ണ ചൂടാക്കി ഗ്രിൽ െചയ്തെടുക്കണം.

∙ഒരു വലിയ ബൗളിൽ അഞ്ചാമത്തെ ചേരുവയും തയാറാക്കിയ കടലയും പനീറും ചേർത്തു യോജിപ്പിക്കുക.

∙ആറാമത്തെ ചേരുവ യോജിപ്പിച്ച് ഡ്രസ്സിങ്ങ് തയാറാക്കി സാലഡിൽ ചേർത്തു വിളമ്പാം.