നാവിൽ വെള്ളമൂറുന്ന പനീർ മാങ്ങാക്കറി... എളുപ്പത്തിൽ തയ്യാറാക്കാവുന്ന ഒന്നൊന്നര ഡിഷ്

1. പനീർ – 250 ഗ്രാം

2. പച്ചമാങ്ങ – ഒന്ന്

3. ഉപ്പ്, മഞ്ഞൾപ്പൊടി – പാകത്തിന്

4. തേങ്ങ – ഒന്ന്

5. മുളകുപൊടി – ഒരു വലിയ സ്പൂൺ

മല്ലിപ്പൊടി – അര വലിയ സ്പൂൺ

മഞ്ഞൾപ്പൊടി – അര ചെറിയ സ്പൂൺ

6. എണ്ണ – രണ്ടു വലിയ സ്പൂൺ

7. സവാള – ഒന്ന്, കനം കുറച്ചു നീളത്തിൽ അരിഞ്ഞത്

ഇഞ്ചി – ഒരു കഷണം, കനം കുറച്ചു നീളത്തിൽ അരിഞ്ഞത്

പച്ചമുളക് – നാല്, നീളത്തിൽ മുറിച്ചത്

ഉപ്പ് – പാകത്തിന്

8. വെളിച്ചെണ്ണ – രണ്ടു വലിയ സ്പൂൺ

9. കടുക് – ഒരു ചെറിയ സ്പൂൺ

വറ്റൽമുളക് – രണ്ട്, കഷണങ്ങളാക്കിയത്

കറിവേപ്പില – ഒരു തണ്ട്

10. മുളകുപൊടി – കാല്‍ ചെറിയ സ്പൂൺ

മഞ്ഞൾപ്പൊടി – ഒരു നുള്ള്

പാകം െചയ്യുന്ന വിധം

∙ പനീർ ചെറിയ കഷണങ്ങളാക്കി വയ്ക്കണം.

∙ മാങ്ങ തൊലി ചെത്തി ചരിച്ചു മുറിച്ച ശേഷം ഉപ്പും മഞ്ഞൾപ്പൊടിയും പുരട്ടി വയ്ക്കുക.

∙ തേങ്ങ ചുരണ്ടിപ്പിഴിഞ്ഞ് ഒരു കപ്പ് ഒന്നാംപാലും രണ്ടു കപ്പ് രണ്ടാംപാലും എടുത്തു വ യ്ക്കുക.

∙ അഞ്ചാമത്തെ ചേരുവ മയത്തിൽ അ രച്ചു വയ്ക്കണം.

∙ പാനിൽ എണ്ണ ചൂടാക്കി ഏഴാമത്തെ ചേരുവ വഴറ്റുക. സവാള ബ്രൗൺ നിറമാകുമ്പോൾ അരപ്പു ചേർത്തിളക്കുക. പച്ചമണം മാറുമ്പോൾ രണ്ടാംപാൽ ചേർത്തിളക്കുക.

∙ തിളയ്ക്കുമ്പോൾ മാങ്ങ കഴുകി ഊറ്റി കറിയിൽ ചേർക്കണം. മാങ്ങ അധികം വെന്തു പോകരുത്. ഇതിലേക്ക് ഒന്നാംപാൽ ചേർത്തിളക്കി തിളയ്ക്കും മുൻപ് പനീറും ചേർത്തിളക്കി വാങ്ങുക.

∙ വെളിച്ചെണ്ണ ചൂടാക്കി ഒൻപതാമത്തെ ചേരുവ മൂപ്പിച്ച് തീ അണച്ച ശേഷം പത്താമത്തെ ചേരുവ ചേർത്തിളക്കി വാങ്ങി കറിയിൽ ഒഴിക്കുക.