പ്രണയത്തിലെ സൺസെറ്റ് ക്ലോസ്: ‘എക്സ്പയറി ഡേറ്റ്’ നിശ്ചയിച്ചു പ്രണയിക്കുന്ന പുതിയ ട്രെൻഡ് അറിയാം How the Sunset Clause Differs from Traditional Romance
മുന്നോട്ടു പോകുന്തോറും തകരാൻ സാധ്യതയുള്ള ബന്ധങ്ങളിൽ വെറുതെ സമയം കളയാതിരിക്കാനാണു പലരും ഈ രീതി തിരഞ്ഞെടുക്കുന്നത്. അതുവരെ പ്രണയിക്കാം എന്നതാണ് ഡീൽ.
മുന്നോട്ടു പോകുന്തോറും തകരാൻ സാധ്യതയുള്ള ബന്ധങ്ങളിൽ വെറുതെ സമയം കളയാതിരിക്കാനാണു പലരും ഈ രീതി തിരഞ്ഞെടുക്കുന്നത്. അതുവരെ പ്രണയിക്കാം എന്നതാണ് ഡീൽ.
മുന്നോട്ടു പോകുന്തോറും തകരാൻ സാധ്യതയുള്ള ബന്ധങ്ങളിൽ വെറുതെ സമയം കളയാതിരിക്കാനാണു പലരും ഈ രീതി തിരഞ്ഞെടുക്കുന്നത്. അതുവരെ പ്രണയിക്കാം എന്നതാണ് ഡീൽ.
പ്രണയമെന്നു പറയുമ്പോൾ മനസ്സിൽ ആദ്യം വരുന്നത് 'എന്നും എപ്പോഴും' (Forever and Always) എന്നൊക്കെയാവും. എന്നാൽ ഇന്നത്തെ ജെൻ സീ, മില്ലേനിയൽ തലമുറയുടെ കാര്യമെടുത്താൽ കഥ അൽപം മാറിയിട്ടുണ്ട്. ഡേറ്റിംഗ് ലോകത്തെ പുതിയ ട്രെൻഡാണ് ‘സൺസെറ്റ് ക്ലോസ്’ (Sunset Clause).
കേൾക്കുമ്പോൾ അൽപം ഗൗരവമുള്ള പേരാണെന്നു തോന്നുമെങ്കിലും സംഗതി സിംപിളാണ്. സൂര്യൻ അസ്തമിക്കുന്നത് പോലെ, ഒരു ബന്ധം എപ്പോൾ അവസാനിപ്പിക്കണം എന്നു തുടക്കത്തിലേ തീരുമാനിക്കുന്ന രീതിയാണിത്. അതായത്, പ്രണയബന്ധത്തിന് ഒരു ‘എക്സ്പയറി ഡേറ്റ്’ മുൻകൂട്ടി നിശ്ചയിക്കുന്നു!
എന്തിനാണ് ഇങ്ങനെ ?
മുന്നോട്ടു പോകുന്തോറും തകരാൻ സാധ്യതയുള്ള ബന്ധങ്ങളിൽ വെറുതെ സമയം കളയാതിരിക്കാനാണു പലരും ഈ രീതി തിരഞ്ഞെടുക്കുന്നത്. ഉദാഹരണത്തിന്, ഒരാൾക്കു വിദേശ ജോലിക്കു പോകേണ്ടി വരുമ്പോഴോ, അല്ലെങ്കിൽ കരിയറിനു മുൻഗണന നൽകേണ്ടി വരുമ്പോഴോ ഒക്കെ പിരിയാമെന്നു തീരുമാനിക്കുന്നു.
അതുവരെ പ്രണയിക്കാം എന്നതാണ് ഡീൽ. ഒരു പ്രമുഖ ഡേറ്റിങ് ആപ് നടത്തിയ സർവേ പ്രകാരം നഗരങ്ങളിലെ 37% യുവാക്കളും യുവതികളും ‘സൺസെറ്റ് ക്ലോസ്’ ഇഷ്ടപ്പെടുന്നവരാണ്.
ഗുണമോ ദോഷമോ?
ബ്രേക്കപ് ഉണ്ടാക്കുന്ന വലിയ മാനസിക വിഷമങ്ങളിൽ നിന്നു രക്ഷപെടാൻ ഇതു സഹായിക്കുമെന്നാണു പുതിയ കാലത്തെ ഡേറ്റിങ് വിദഗ്ധർ പറയുന്നത്. തങ്ങളുടെ സമാധാനം, എനർജി, കരിയർ എന്നിവയ്ക്കു പ്രാധാന്യം നൽകുന്ന ‘ഹൈപ്പർ-അവയർ’ (Hyper-aware) ഡേറ്റിങ്ങിന്റെ ഭാഗമാണിത്.
അവ്യക്തമായ വാഗ്ദാനങ്ങളേക്കാൾ, സുതാര്യതയുള്ള ബന്ധങ്ങൾക്കാണത്രേ പുതിയ തലമുറ മൂല്യം കൽപിക്കുന്നത്. അതുകൊണ്ട് ഇതു പരമാവധി സത്യസന്ധമായ സമീപനമാണെന്ന് അവർ വാദിക്കുന്നു. ∙