സംസാരിക്കുമ്പോൾ വാക്കുകൾ കിട്ടുന്നില്ല, തലച്ചോർ ക്ഷീണിച്ചിരിക്കുകയാണോ? തിരിച്ചറിയേണ്ട 10 മുന്നറിയിപ്പുകൾ
നമ്മുടെ ശരീരത്തിന് വിശ്രമം ആവശ്യമുള്ളതുപോലെ മാനസിക പ്രവർത്തനങ്ങളിലും തളർച്ചയും ക്ഷീണവും ഉണ്ടാകാമെന്ന് ലേഖനം വ്യക്തമാക്കുന്നു. ചെറിയ കാര്യങ്ങൾ മറന്നുപോകുക, ശ്രദ്ധ കേന്ദ്രീകരിക്കാൻ ബുദ്ധിമുട്ട് അനുഭവപ്പെടുക, പെട്ടെന്ന് ദേഷ്യം വരിക, ആവശ്യത്തിന് ഉറങ്ങിയിട്ടും ഉന്മേഷം ഇല്ലാതിരിക്കുക തുടങ്ങിയവ മാനസിക ക്ഷീണത്തിന്റെ പ്രധാന പത്ത് മുന്നറിയിപ്പുകളാണ്. ഉറക്കക്കുറവ്, മാനസിക സമ്മർദം, വിറ്റാമിൻ ബി12-ന്റെ കുറവ്, തൈറോയ്ഡ് പ്രശ്നങ്ങൾ എന്നിവയെല്ലാം ഇത്തരം ലക്ഷണങ്ങൾക്ക് കാരണമാകാം. തലച്ചോറിന്റെ ഉന്മേഷവും ആരോഗ്യവും വീണ്ടെടുക്കാൻ കൃത്യമായ ഉറക്കം, ആരോഗ്യകരമായ ഭക്ഷണം, വ്യായാമം, മാനസിക വിശ്രമം എന്നിവ ശീലമാക്കേണ്ടത് അത്യാവശ്യമാണെന്ന് ലേഖനം ഓർമ്മിപ്പിക്കുന്നു.
നമ്മുടെ ശരീരത്തിന് വിശ്രമം ആവശ്യമുള്ളതുപോലെ മാനസിക പ്രവർത്തനങ്ങളിലും തളർച്ചയും ക്ഷീണവും ഉണ്ടാകാമെന്ന് ലേഖനം വ്യക്തമാക്കുന്നു. ചെറിയ കാര്യങ്ങൾ മറന്നുപോകുക, ശ്രദ്ധ കേന്ദ്രീകരിക്കാൻ ബുദ്ധിമുട്ട് അനുഭവപ്പെടുക, പെട്ടെന്ന് ദേഷ്യം വരിക, ആവശ്യത്തിന് ഉറങ്ങിയിട്ടും ഉന്മേഷം ഇല്ലാതിരിക്കുക തുടങ്ങിയവ മാനസിക ക്ഷീണത്തിന്റെ പ്രധാന പത്ത് മുന്നറിയിപ്പുകളാണ്. ഉറക്കക്കുറവ്, മാനസിക സമ്മർദം, വിറ്റാമിൻ ബി12-ന്റെ കുറവ്, തൈറോയ്ഡ് പ്രശ്നങ്ങൾ എന്നിവയെല്ലാം ഇത്തരം ലക്ഷണങ്ങൾക്ക് കാരണമാകാം. തലച്ചോറിന്റെ ഉന്മേഷവും ആരോഗ്യവും വീണ്ടെടുക്കാൻ കൃത്യമായ ഉറക്കം, ആരോഗ്യകരമായ ഭക്ഷണം, വ്യായാമം, മാനസിക വിശ്രമം എന്നിവ ശീലമാക്കേണ്ടത് അത്യാവശ്യമാണെന്ന് ലേഖനം ഓർമ്മിപ്പിക്കുന്നു.
നമ്മുടെ ശരീരത്തിന് വിശ്രമം ആവശ്യമുള്ളതുപോലെ മാനസിക പ്രവർത്തനങ്ങളിലും തളർച്ചയും ക്ഷീണവും ഉണ്ടാകാമെന്ന് ലേഖനം വ്യക്തമാക്കുന്നു. ചെറിയ കാര്യങ്ങൾ മറന്നുപോകുക, ശ്രദ്ധ കേന്ദ്രീകരിക്കാൻ ബുദ്ധിമുട്ട് അനുഭവപ്പെടുക, പെട്ടെന്ന് ദേഷ്യം വരിക, ആവശ്യത്തിന് ഉറങ്ങിയിട്ടും ഉന്മേഷം ഇല്ലാതിരിക്കുക തുടങ്ങിയവ മാനസിക ക്ഷീണത്തിന്റെ പ്രധാന പത്ത് മുന്നറിയിപ്പുകളാണ്. ഉറക്കക്കുറവ്, മാനസിക സമ്മർദം, വിറ്റാമിൻ ബി12-ന്റെ കുറവ്, തൈറോയ്ഡ് പ്രശ്നങ്ങൾ എന്നിവയെല്ലാം ഇത്തരം ലക്ഷണങ്ങൾക്ക് കാരണമാകാം. തലച്ചോറിന്റെ ഉന്മേഷവും ആരോഗ്യവും വീണ്ടെടുക്കാൻ കൃത്യമായ ഉറക്കം, ആരോഗ്യകരമായ ഭക്ഷണം, വ്യായാമം, മാനസിക വിശ്രമം എന്നിവ ശീലമാക്കേണ്ടത് അത്യാവശ്യമാണെന്ന് ലേഖനം ഓർമ്മിപ്പിക്കുന്നു.
നമ്മുടെ തലച്ചോർ ക്ഷീണിച്ചിരിക്കുകയാണോ?തിരിച്ചറിയേണ്ട 10 മുന്നറിയിപ്പുകൾ!
മറവി കൂടുന്നുണ്ടോ? ശ്രദ്ധ കുറയുന്നുണ്ടോ? ചെറിയ തീരുമാനങ്ങൾ പോലും എടുക്കാൻ ബുദ്ധിമുട്ടുണ്ടോ? ഇതെല്ലാം പ്രായത്തിന്റെ പ്രശ്നം മാത്രമാണോ?
രാവിലെ എഴുന്നേൽക്കുമ്പോൾത്തന്നെ ക്ഷീണം!
വായിച്ച കാര്യങ്ങൾ ഓർമ്മയിൽ നിൽക്കുന്നില്ല!
ഒരു ജോലി ചെയ്യുന്നതിനിടെ എന്തിനാണ് അത് തുടങ്ങിയതെന്നുപോലും മറന്നുപോകുന്നു!
ചെറിയ കാര്യങ്ങൾക്കുപോലും ദേഷ്യവും അസ്വസ്ഥതയും!
ഇത്തരം അനുഭവങ്ങൾ നിങ്ങൾക്കുമുണ്ടോ?
നമ്മുടെ ശരീരത്തിന് ക്ഷീണം അനുഭവപ്പെടുന്നതുപോലെ ശ്രദ്ധ, ഓർമ്മ, ചിന്താശേഷി തുടങ്ങിയ മാനസിക പ്രവർത്തനങ്ങളിലും തളർച്ച അനുഭവപ്പെടാം.
ഇതിനെ പൊതുവായി മാനസിക ക്ഷീണം ( Mental Fatigue) എന്നു വിളിക്കാം. ചിലർ അനുഭവിക്കുന്ന ചിന്തയിലെ അവ്യക്തതയും ശ്രദ്ധക്കുറവും ബ്രെയിൻ ഫോഗ് ( Brain Fog) എന്നും വിശേഷിപ്പിക്കപ്പെടുന്നു.
എന്നാൽ ഇതൊരു പ്രത്യേക രോഗനിർണയമല്ല. ഉറക്കക്കുറവ് മുതൽ ചികിത്സ ആവശ്യമായ രോഗങ്ങൾവരെ ഇതിന് കാരണമാകാം.
തലച്ചോറുമായി ബന്ധപ്പെട്ട മാനസിക ക്ഷീണത്തിന്റെ 10 സൂചനകൾ!
1. ചെറിയ കാര്യങ്ങൾ പോലും മറന്നുപോകുന്നു!
താക്കോൽ എവിടെ വെച്ചുവെന്ന് മറക്കുന്നു. പരിചയമുള്ള പേരുകൾ ഓർത്തെടുക്കാൻ ബുദ്ധിമുട്ടുന്നു. ശ്രദ്ധക്കുറവും ഉറക്കക്കുറവും ഓർമ്മയെ ബാധിക്കാം.
2. ശ്രദ്ധ കേന്ദ്രീകരിക്കാൻ കഴിയുന്നില്ല!
ഒരു പുസ്തകം വായിക്കുമ്പോഴോ ജോലി ചെയ്യുമ്പോഴോ മനസ്സ് നിരന്തരം മറ്റിടങ്ങളിലേക്ക് പോകുന്നു. ചെറിയ ശബ്ദങ്ങൾപോലും ശ്രദ്ധ തെറ്റിക്കുന്നു.
3. തീരുമാനമെടുക്കാൻ അസാധാരണമായ ബുദ്ധിമുട്ട്!
സാധാരണ എളുപ്പത്തിൽ എടുക്കുന്ന തീരുമാനങ്ങൾക്കുപോലും കൂടുതൽ സമയം വേണ്ടിവരുന്നു. മാനസിക സമ്മർദം ചിന്താശേഷിയെ ബാധിക്കാം.
4. ചിന്തകൾക്ക് വേഗം കുറഞ്ഞതുപോലെ തോന്നുന്നു!
ചോദ്യങ്ങൾക്ക് മറുപടി നൽകാനും കാര്യങ്ങൾ മനസ്സിലാക്കാനും പതിവിലധികം സമയം വേണ്ടിവരുന്നു.
5. ചെറിയ കാര്യങ്ങൾക്കുപോലും ദേഷ്യം!
ക്ഷമ കുറയുന്നു. നിസ്സാര സംഭവങ്ങൾപോലും അസ്വസ്ഥതയുണ്ടാക്കുന്നു. ഉറക്കക്കുറവും മാനസിക സമ്മർദവും ഇതിന് കാരണമാകാം.
6. ആവശ്യത്തിന് ഉറങ്ങിയിട്ടും ക്ഷീണം!
ഏഴോ എട്ടോ മണിക്കൂർ ഉറങ്ങിയിട്ടും ഉന്മേഷമില്ല. കൂർക്കംവലിയും ഉറക്കത്തിനിടെ ശ്വാസതടസ്സവും ഉണ്ടെങ്കിൽ ഉറക്കത്തിലെ ശ്വാസതടസ്സരോഗവും പരിശോധിക്കണം.
7. ഒരേസമയം പല കാര്യങ്ങളും ചെയ്യാൻ ബുദ്ധിമുട്ട്!
മുമ്പ് അനായാസം ചെയ്തിരുന്ന ജോലികൾ ഇപ്പോൾ ബുദ്ധിമുട്ടാകുന്നു. ജോലികൾക്കിടയിൽ നിരന്തരം ശ്രദ്ധ മാറ്റുന്നത് മാനസിക ക്ഷീണം വർധിപ്പിക്കാം.
8. സംസാരിക്കുമ്പോൾ വാക്കുകൾ കിട്ടാതെ വരുന്നു!
പറയാൻ ഉദ്ദേശിച്ച വാക്കുകൾ പെട്ടെന്ന് ഓർത്തെടുക്കാൻ കഴിയുന്നില്ല. ഇടയ്ക്കിടെ സംഭവിക്കാമെങ്കിലും ഇത് പുതിയതോ വർധിച്ചുവരുന്നതോ ആണെങ്കിൽ ശ്രദ്ധിക്കണം.
9. ചെറിയ മാനസിക ജോലികൾക്കുശേഷവും തളർച്ച!
അൽപ്പനേരം വായിച്ചാലോ കണക്കുകൂട്ടിയാലോ ആലോചിച്ചാലോ വലിയ ക്ഷീണം അനുഭവപ്പെടുന്നു.
10. ഒന്നിനോടും പഴയ താൽപര്യമില്ല!
ഇഷ്ടപ്പെട്ട കാര്യങ്ങളിൽപ്പോലും ശ്രദ്ധയും ഉത്സാഹവും കുറയുന്നു. ഇത് മാനസിക ക്ഷീണത്തിനൊപ്പം വിഷാദരോഗത്തിന്റെയും സൂചനയാകാം.
എന്തുകൊണ്ടാണ് ഇങ്ങനെ സംഭവിക്കുന്നത്?
ഉറക്കക്കുറവ്, ദീർഘകാല മാനസിക സമ്മർദം, ഉത്കണ്ഠ, വിഷാദം, അമിത ജോലിഭാരം എന്നിവ തലച്ചോറിന്റെ ശ്രദ്ധ, ഓർമശക്തി, വിവരങ്ങൾ വിശകലനം ചെയ്യാനുള്ള കഴിവ് എന്നിവയെ താൽക്കാലികമായി ബാധിക്കാം.
എന്നാൽ വിളർച്ച, തൈറോയ്ഡ് ഹോർമോണുകളുടെ തകരാറുകൾ, വിറ്റാമിൻ ബി12-ന്റെ കുറവ്, ചില മരുന്നുകളുടെ പാർശ്വഫലങ്ങൾ, ഉറക്കത്തിലെ ശ്വാസതടസ്സം തുടങ്ങിയ ചികിത്സിക്കാവുന്ന ആരോഗ്യപ്രശ്നങ്ങളും ഇതേ ലക്ഷണങ്ങൾ സൃഷ്ടിക്കാം.
ഓർക്കുക! മറവിയും ശ്രദ്ധക്കുറവും എല്ലായ്പ്പോഴും തലച്ചോറിന്റെ ക്ഷീണമല്ല. തുടർച്ചയായി അനുഭവപ്പെടുന്നതോ ക്രമേണ വർധിക്കുന്നതോ ആയ ലക്ഷണങ്ങളുടെ യഥാർഥ കാരണം കണ്ടെത്തേണ്ടത് അത്യാവശ്യമാണ്!
തലച്ചോറിന്റെ ഉന്മേഷം വീണ്ടെടുക്കാൻ 7 കാര്യങ്ങൾ!
1. ഉറക്കം: മുതിർന്നവർ ദിവസവും ഏഴുമുതൽ ഒൻപതുവരെ മണിക്കൂർ ഗുണനിലവാരമുള്ള ഉറക്കം ഉറപ്പാക്കുക.
2. വ്യായാമം: ആഴ്ചയിൽ കുറഞ്ഞത് 150 മിനിറ്റ് മിതമായ ശാരീരിക വ്യായാമം ശീലമാക്കുക.
3. ഇടവേളകൾ: ദീർഘനേരം തുടർച്ചയായി ജോലി ചെയ്യാതെ ചെറിയ ഇടവേളകൾ എടുക്കുക.
4. ഒരു സമയം ഒരു ജോലി: അനാവശ്യമായി പല ജോലികൾക്കിടയിൽ ശ്രദ്ധ മാറ്റുന്നത് കുറയ്ക്കുക.
5. പോഷകാഹാരവും ജലപാനവും: പച്ചക്കറികൾ, പഴങ്ങൾ, പയർവർഗങ്ങൾ, മത്സ്യം തുടങ്ങിയ പോഷകസമൃദ്ധമായ ഭക്ഷണം കഴിക്കുക. ശരീരത്തിൽ ആവശ്യത്തിന് ജലാംശം നിലനിർത്താൻ ദിവസവും മതിയായ അളവിൽ വെള്ളം കുടിക്കുക. നിർജലീകരണം ശ്രദ്ധയെയും ഓർമശക്തിയെയും ബാധിക്കാം.
6. മാനസിക വിശ്രമം: ധ്യാനം, ശ്വസനാഭ്യാസം, സംഗീതം, പ്രകൃതിയിലൂടെയുള്ള നടത്തം എന്നിവ ശീലമാക്കുക.
7. സാമൂഹികബന്ധങ്ങൾ: കുടുംബാംഗങ്ങളോടും സുഹൃത്തുക്കളോടും സമയം ചെലവഴിക്കുക.
എപ്പോഴാണ് ഡോക്ടറെ കാണേണ്ടത്?
മറവി, ശ്രദ്ധക്കുറവ്, ചിന്തിക്കാനും തീരുമാനങ്ങളെടുക്കാനുമുള്ള ബുദ്ധിമുട്ട് എന്നിവ തുടർച്ചയായി നിലനിൽക്കുകയോ ക്രമേണ വർധിക്കുകയോ ദൈനംദിന ജീവിതത്തെ ബാധിക്കുകയോ ചെയ്താൽ വിശദമായ വൈദ്യപരിശോധന ആവശ്യമാണ്.
പ്രത്യേകം ശ്രദ്ധിക്കുക
പെട്ടെന്നുണ്ടാകുന്ന ആശയക്കുഴപ്പം, സംസാരതടസ്സം, മുഖം കോടൽ, ശരീരത്തിന്റെ ഒരു വശത്ത് ബലക്കുറവ് എന്നിവ സ്ട്രോക്കിന്റെ മുന്നറിയിപ്പുകളാകാം. ഇത്തരം ലക്ഷണങ്ങൾ ഉണ്ടായാൽ ഒരു നിമിഷംപോലും വൈകാതെ അടിയന്തര ചികിത്സ തേടണം.
അവസാനമായി ഒരു കാര്യം ഓർക്കുക;
നമ്മുടെ തലച്ചോർ വിശ്രമമില്ലാതെ പ്രവർത്തിക്കേണ്ട ഒരു യന്ത്രമല്ല. അതിനും മതിയായ ഉറക്കവും വിശ്രമവും പരിചരണവും ആവശ്യമാണ്.
ജീവിതത്തിൽ കൂടുതൽ നേട്ടങ്ങൾ കൈവരിക്കാനുള്ള ഓട്ടത്തിനിടയിൽ, ആ ജീവിതം ആസ്വദിക്കാൻ സഹായിക്കുന്ന തലച്ചോറിന്റെ ആരോഗ്യം മറന്നുപോകരുത്!
ജോലി ചെയ്യാൻ തലച്ചോറിനെ പരിശീലിപ്പിക്കുന്നതുപോലെ, വിശ്രമിക്കാനും അതിനെ അനുവദിക്കണം!
കാരണം, ജീവിതത്തിൽ നമ്മള്‍ എന്തെല്ലാം നേടിയെന്നതുമാത്രമല്ല പ്രധാനം. ആ നേട്ടങ്ങൾ ഓർത്തുവയ്ക്കാനും തിരിച്ചറിയാനും ആസ്വദിക്കാനും നമ്മുടെ തലച്ചോർ ആരോഗ്യത്തോടെ നിലനിൽക്കുന്നതും അത്രതന്നെ പ്രധാനമാണ്!
ഈ പത്ത് സൂചനകളിൽ ഏതെങ്കിലും നിങ്ങൾക്കുണ്ടോ? സ്വയം ശ്രദ്ധിക്കൂ. ആവശ്യമെങ്കിൽ ചികിത്സ തേടൂ. ഈ അറിവ് മറ്റുള്ളവരിലേക്കും പങ്കുവയ്ക്കൂ!
എഴുത്ത്: ഡോ. അരുൺ ഉമ്മൻ, ന്യൂറോസർജൻ