സ്പെഷ്യൽ ദിവസങ്ങളിൽ വിളമ്പാം സ്പെഷ്യൽ ചെമ്മീൻ ഫ്രൈഡ‍് റൈസ്!

ചെമ്മീൻ ഫ്രൈഡ‍് റൈസ്

1.ചെമ്മീൻ – അരക്കിലോ

2.ഇഞ്ചി–വെളുത്തുള്ളി പേസ്റ്റ് – ഒരു ചെറിയ സ്പൂൺ

ഉപ്പ്, കുരുമുളകുപൊടി – പാകത്തിന്

കോൺഫ്ളോർ – ഒരു ചെറിയ സ്പൂൺ

വറ്റൽമുളക് ചതച്ചത് – അര ചെറിയ സ്പൂൺ

3.ഒലിവ് എണ്ണ – മൂന്നു വലിയ സ്പൂൺ

4.മുട്ട – മൂന്ന്

ഉപ്പ് – പാകത്തിന്

5.വെളുത്തുള്ളി – ഒരു ചെറിയ സ്പൂൺ

6.ഗ്രീൻപീസ് – അരക്കപ്പ്, വേവിച്ചത്

കാരറ്റ് – ‌അരക്കപ്പ്, ചെറിയ ചതുരക്കഷണങ്ങളാക്കി വേവിച്ചത്

സ്പ്രിങ് അണിയൻ – കാൽ കപ്പ്

7.ബസ്മതി അരി വേവിച്ചത് – മൂന്നു കപ്പ്

8.സോയാസോസ് – ഒരു വലിയ സ്പൂൺ

9.ഉപ്പ്,കുരുമുളകുപൊടി – പാകത്തിന്

‌പാകം ചെയ്യുന്ന വിധം

∙ചെമ്മീൻ കഴുകി വൃത്തിയാക്കി രണ്ടാമത്തെ ചേരുവ ചേർത്തു യോജിപ്പിച്ചു അരമണിക്കൂർ വയ്ക്കുക.

∙പാനിൽ ഒരു വലിയ സ്പൂൺ എണ്ണ ചൂടാക്കുക. മുട്ട ഉപ്പും ചേർത്തടിച്ച് ചിക്കിപൊരിച്ചു മാറ്റി വയ്ക്കുക.

∙അതേ പാനിൽ ഒരു വലിയ സ്പൂൺ എണ്ണ കൂടി ഒഴുച്ചു ചൂടാക്കി മാറ്റി വച്ചിരിക്കുന്ന ചെമ്മീൻ വറുത്ത് മാറ്റി വയ്ക്കണം.

∙വീണ്ടും അതേ പാനിൽ എണ്ണ ചൂടാക്കി വെളുത്തുള്ളി വഴറ്റി ആറാമത്തെ ചേരുവ ചേർത്തു വീണ്ടും വഴറ്റുക.

∙ഇതിലേക്കു വേവിച്ചു വച്ചിരിക്കുന്ന ചോറു ചേർത്തു നന്നായി യോജിപ്പിക്കുക.

∙വറുത്തു വച്ചിരിക്കുന്ന ചെമ്മീനും മുട്ടയും ചേർക്കുക. സോയാസോസും ചേർത്തു നന്നായി യോജിപ്പിക്കണം.

∙ഉപ്പും കുരുമുളകുപൊടിയും പാകത്തിനാക്കി ചൂടോടെ വിളമ്പാം.