കൂന്തൽ നിറച്ചത്, ആരേയും കൊതിപ്പിക്കുന്ന രുചിക്കൂട്ട്!

കൂന്തൽ നിറച്ചത്

1.കൂന്തൽ – 10, ഇടത്തരം വലുപ്പമുള്ളത്

2.മുളകുപൊടി – ഒന്നര ചെറിയ സ്പൂൺ

മഞ്ഞൾപ്പൊടി – കാൽ ചെറിയ സ്പൂൺ

പെരുംജീരകംപൊടി – കാല്‍ ചെറിയ സ്പൂൺ

ഉപ്പ് – പാകത്തിന്

3.എണ്ണ – പാകത്തിന്

4.സവാള – മൂന്ന്, അരി‍ഞ്ഞത്

പച്ചമുളക് – മൂന്ന്, അരിഞ്ഞത്

5.തേങ്ങ ചുരണ്ടിയത് – കാൽ കപ്പ്

6.കറിവേപ്പില – ഒരു തണ്ട്

മല്ലിയില അരിഞ്ഞത് – അര വലിയ സ്പൂൺ

7.കോഴിമുട്ട – ഒന്ന്

മുളകുപൊടി – ഒരു ചെറിയ സ്പൂൺ

മഞ്ഞൾപ്പൊടി – കാൽ ചെറിയ സ്പൂൺ

ഉപ്പ് – പാകത്തിന്

പാകം ചെയ്യുന്ന വിധം

∙കൂന്തൽ തല മാറ്റി നന്നായി കഴുകി വൃത്തിയാക്കുക.

‌∙കൂന്തലിന്റെ തലഭാഗം വൃത്തിയാക്കിയതും രണ്ടു കൂന്തലും പൊടിയായി അരിയണം.

∙ഇതൊരു ചീനച്ചട്ടിയിലാക്കി രണ്ടാമത്തെ ചേരുവ ചേർത്തു യോജിപ്പിച്ച് വെള്ളം ചേർക്കാതെ വേവിച്ച ശേഷം അൽപം എണ്ണയൊഴിച്ച് വരട്ടിയെടുക്കുക.

∙ഇതേ ചീനച്ചട്ടിയിൽ എണ്ണ ചൂടാക്കി സവാളയും പച്ചമുളകും വഴറ്റണം.

∙നന്നായി വഴന്ന ശേഷം തേങ്ങ ചേർത്തിളക്കുക. ഇതിൽ വേവിച്ച കൂന്തലും കറിവേപ്പിലയും മല്ലിയിലയും ചേർത്ത് ഇളക്കി യോജിപ്പിച്ചു വാങ്ങുക.

∙വൃത്തിയാക്കി വച്ചിരിക്കുന്ന കൂന്തലുകൾക്കുള്ളിൽ തയാറാക്കിയ ഫില്ലിങ് നിറച്ച് തുറന്ന ഭാഗം ടൂത്തപിക്ക് കൊണ്ടു കുത്തി ഉറപ്പിക്കുക.

∙തയാറാക്കിയ കൂന്തലുകൾ, യോജിപ്പിച്ചു വച്ചിരിക്കുന്ന ഏഴാമത്തെ ചേരുവയിൽ മുക്കി ഒരു മണിക്കൂർ വയ്ക്കണം.

∙ചൂടായ എണ്ണയിൽ മൂടി വച്ച് വറുത്തെടുക്കാം.