ഉള്ളി ചമ്മന്തി, ഇതുണ്ടെങ്കിൽ ചോറിനു മറ്റു കറി വേണ്ട!

ഉള്ളി ചമ്മന്തി

1.വെളിച്ചെണ്ണ – ഒരു വലിയ സ്പൂൺ

2.സവാള – രണ്ട്, അരിഞ്ഞത്

ചെറിയുള്ളി – ഒരു കപ്പ്

3.ഇഞ്ചി – ഒരു കഷണം

‌ വറ്റൽമുളക് – രണ്ട്

കറിവേപ്പില – രണ്ടു തണ്ട്

4.കാശ്മീരി മുളകുപൊടി – ഒരു വലിയ സ്പൂണ്‍

5.ഉപ്പ് – പാകത്തിന്

6.വാളൻപുളി – ഒരു നെല്ലിക്ക വലുപ്പത്തിൽ

ശർക്കര പൊടിച്ചത് – രണ്ടു വലിയ സ്പൂൺ

പാകം ചെയ്യുന്ന വിധം

∙വെളിച്ചെണ്ണ ചൂടാക്കി സവാളയും ചെറിയുള്ളിയും വഴറ്റുക.

∙ഇതിൽ ഇഞ്ചിയും വറ്റൽമുളകും കറിവേപ്പിലയും ചേർക്കുക.‍

∙വഴന്നു വരുമ്പോൾ മുളകുപൊടി ചേർക്കുക.

∙പച്ചമണം മാറുമ്പോൾ ഉപ്പ് ചേർത്തിളക്കി വാങ്ങുക.

∙ചൂടാറിമ്പോൾ ആറാമത്തെ ചേരുവയും ചേർത്ത് മിക്സിയിൽ അരച്ചെടുക്കുക. ഒരുപാട് അരഞ്ഞു പോകരുത്.