രസികൻ രുചിയിൽ ചിക്കൻ ചുക്ക, ഈസി റെസിപ്പി!

ചിക്കൻ ചുക്ക

1.ഇഞ്ചി പേസ്‌റ്റ് – ഒരു വലിയ സ്പൂൺ

വെളുത്തുള്ളി പേസ്‌റ്റ് – ഒരു വലിയ സ്പൂൺ

കാശ്മീരി മുളകുപൊടി – മൂന്നു വലിയ സ്പൂൺ

ഗരംമസാലപ്പൊടി – വലിയ സ്പൂൺ

മഞ്ഞൾപ്പൊടി – രണ്ടു വലിയ സ്പൂൺ

2.ചിക്കൻ – ഒരു കിലോ, ചെറി‌യ കഷണങ്ങളാക്കിയത്

3.കോൺഫ്ലോർ – മൂന്നു വലിയ സ്പൂൺ

ഉപ്പ് –പാകത്തിന്

4.വെളിച്ചെണ്ണ – ആവശ്യത്തിന്

5.ചുവന്നുള്ളി – ഒരു കപ്പ്, ചതച്ചത്

6.തേങ്ങ – ഒന്നിന്റെ പകുതി, വറുത്തരച്ചത്

ചിക്കൻ മസാല – രണ്ടു വലിയ സ്പൂൺ

8.മല്ലിയില, കറിവേപ്പില – പാകത്തിന്

9.ഉപ്പ് – പാകത്തിന്

പാകം ചെയ്യുന്ന വിധം

∙ഒന്നാമത്തെ ചേരുവ നന്നായി യോജിപ്പിട്ടു വയ്ക്കുക.

∙ഇതിൽ നിന്നും പകുതി എടുത്ത് ചിക്കനിൽ പുരട്ടി അര മണിക്കൂർ വയ്ക്കുക.

∙ശേഷം കോൺഫ്ലോറും പാകത്തിന് ഉപ്പും ചേർത്ത് എണ്ണയിൽ വറുത്തു കോരുക.

∙ഇതേ എണ്ണയിൽ ചുവന്നുള്ളി ചതച്ചതു ചേർത്തു വഴറ്റുക.

∙ഇതിലേക്ക് ആറാമത്തെ ചേരുവ ചേർത്തു പച്ചമണം മാറുമ്പോൾ വറുത്തു വച്ചിരിക്കുന്ന ചിക്കനും ചേർത്ത് ഇളക്കി യോജിപ്പിക്കുക.

∙ഉപ്പ് പാകത്തിനാക്കി മല്ലിയിലയും കറിവേപ്പിലയും വിതറി ചൂടോടെ വിളമ്പാം.