റസ്റ്ററന്റില്‍ കിട്ടുന്ന അതേ രുചിയില്‍ പാനി പൂരി വീട്ടിലുണ്ടാക്കാം; റെസിപ്പി ഇതാ..

1. ചെറിയ പൂരി – 10

2. ഉരുളക്കിഴങ്ങ് – മൂന്ന്, വേവിച്ചു പൊടിയായി അരിഞ്ഞത്

വെള്ളക്കടല വേവിച്ചത് – അരക്കപ്പ്

ജീരകം വറുത്തു പൊടിച്ചത് – ഒരു ചെറിയ സ്പൂൺ

മല്ലിയില അരിഞ്ഞത് – ഒരു വലിയ സ്പൂൺ

ചാട്ട്മസാല – ഒരു ചെറിയ സ്പൂൺ

ഉപ്പ്, മുളകുപൊടി – പാകത്തിന്

സവാള – ഒന്ന്, പൊടിയായി അരിഞ്ഞത്

സേവ് – ഒരു കപ്പ്

3. പുതിനയില, മല്ലിയില – അരക്കപ്പ് വീതം

ഇഞ്ചി – ഒരു ചെറിയ കഷണം

പച്ചമുളക് – മൂന്ന്

ജീരകം വറുത്തു പൊടിച്ചത് – ഒരു ചെറിയ സ്പൂൺ‌

ചാട്ട്മസാല – ഒരു ചെറിയ സ്പൂൺ

ജൽജീര പൗഡർ – പാകത്തിന്

4. ബൂന്ദി – അരക്കപ്പ്

പാകം െചയ്യുന്ന വിധം

∙ പൂരിയുടെ മുകൾവശം പൊട്ടിച്ചു വയ്ക്കുക.

∙ രണ്ടാമത്തെ ചേരുവ യോജിപ്പിച്ചു വയ്ക്കണം.

∙ മൂന്നാമത്തെ ചേരുവ വെള്ളം ചേർത്തരച്ച് അരിച്ചെടുക്കണം. ഇതാണ് പാനി. പാനിയിൽ ബൂന്ദി ഇട്ടു വയ്ക്കുക.

∙ പൂരിയുടെ ഉള്ളിൽ രണ്ടാമത്തെ ചേരുവ യോജിപ്പിച്ചതു നിറച്ച്, അതിൽ പാനി ഒഴിച്ച് ഉടൻ വിളമ്പാം.