പാൽക്കട്ടി–മാങ്ങ പാലുപിഴിഞ്ഞത്, രുചിയൂറും നാടൻ വിഭവം!

തനി നാടൻ രുചിയിൽ തയാറാക്കാം പാൽക്കട്ടി–മാങ്ങ പാലുപിഴിഞ്ഞത്. ഈസി റെസിപ്പിയിതാ...

പാൽക്കട്ടി–മാങ്ങ പാലുപിഴിഞ്ഞത്

1.വെളിച്ചെണ്ണ – 50 മില്ലി

‌2.കടുക് – ഒരു നുള്ള്

3.ഇഞ്ചി പൊടിയായി അരിഞ്ഞത്, വെളുത്തുള്ളി പൊടിയായി അരിഞ്ഞത് – 10 ഗ്രാം വീതം

ചുവന്നുള്ളി – അഞ്ച്, അരിഞ്ഞത്

4.മഞ്ഞൾപ്പൊടി – ഒരു നുള്ള്

ഉപ്പ് – പാകത്തിന്

കശ്മീരി മുളകുപൊടി – അര വലിയ സ്പൂൺ

വെള്ളം – പാകത്തിന്

5.പച്ചമാങ്ങ – ഒന്ന്, കഷണങ്ങളാക്കിയത്

6.പനീര്‍ – 200 ഗ്രാം, ചതുരക്കഷണങ്ങളാക്കിയത്

7.തേങ്ങയുടെ ഒന്നാംപാൽ – 100 മില്ലി

8.പച്ചമുളക് – രണ്ട്, അരിഞ്ഞത്

കറിവേപ്പില – ഒരു തണ്ട്

പാകം ചെയ്യുന്ന വിധം

∙പാനിൽ എണ്ണ ചൂടാക്കി കടുക് പൊട്ടിച്ച് മൂന്നാമത്തെ ചേരുവ വഴറ്റുക.

∙ബ്രൗൺനിറമാകുമ്പോൾ നാലാമത്തെ ചേരുവ ചേർക്കണം. ഇതിലേക്കു മാങ്ങ ചേർത്തു വേവിക്കുക.

∙പനീർ ചേർത്തു നന്നായിളക്കിയ ശേഷം തേങ്ങാപ്പാൽ ചേർക്കണം. പച്ചമുളകും കറിവേപ്പിലയും ചേർത്തു വാങ്ങാം.