രുചിയോടെ മട്ടൺ സ്‌റ്റ്യൂ, ഇതാ ഈസി റെസിപ്പി!

മട്ടൺ സ്‌റ്റ്യൂ

1.മട്ടൻ – ഒരു കിലോ

2.ഉപ്പ് – പാകത്തിന്

വിനാഗിരി – ഒരു വലിയ സ്പൂൺ

3.തേങ്ങ – ഒന്ന്

4.വെളിച്ചെണ്ണ – പാകത്തിന്

5.സവാള – രണ്ട്, അരിഞ്ഞത്

പച്ചമുളക് – ആറ്, കീറിയത്

ഇഞ്ചി – ഒരു വലിയ കഷണം, അരിഞ്ഞത്

വെളുത്തുള്ളി – ഒരു കുടം, അരിഞ്ഞത്

കറിവേപ്പില – ഒരു തണ്ട്

6.ഗ്രാമ്പൂ – നാല്

കറുവാപ്പട്ട – രണ്ടു ചെറിയ കഷണം

ഏലയ്ക്ക – മൂന്ന്– നാല്

7.കാരറ്റ് – രണ്ട്, ചെറിയ ചതുരക്കഷണങ്ങളാക്കിയത്

ഉരുളക്കിഴങ്ങ് – മൂന്ന്, ചതുരക്കഷണങ്ങളാക്കിയത്

8.കുരുമുളകുപൊടി – ഒരു വലിയ സ്പൂൺ

പാകം ചെയ്യുന്ന വിധം

∙മട്ടൺ ചെറിയ കഷണങ്ങളാക്കി രണ്ടാമത്തെ ചേരുവ ചേർത്തു പകുതി വേവിൽ വേവിച്ചു വയ്ക്കണം.

∙തേങ്ങ ചുരണ്ടിപ്പിഴിഞ്ഞ് ഒന്നും രണ്ടും മൂന്നും പാൽ എടുത്തു വയ്ക്കുക.

∙വെളിച്ചെണ്ണ ചൂടാക്കി അഞ്ചാമത്തെ ചേരുവ ചേർത്തു വഴറ്റുക. വാടി വരുമ്പോൾ ആറാമത്തെ ചേരുവ ഒന്നു ചതച്ചതും ഉരുളക്കിഴങ്ങും കാരറ്റും ചേർത്തിളക്കണം.

‌∙ഇതിലേക്കു മൂന്നാം പാൽ ചേർത്തു വേവിക്കുക.

∙കഷണങ്ങൾ വെന്തു വരകുമ്പോൾ തയാറാക്കി വച്ചിരിക്കുന്ന മട്ടൺ ചേർത്തിളക്കി, രണ്ടാം പാലും ചേർത്തു വേവിക്കണം.

∙കഷണങ്ങൾ വെന്തു പാകത്തിനു കുറുകി വരുമ്പോൾ ഒന്നാംപാൽ ചേർത്തിളക്കി കുരുമുളകുപൊടി വിതറി, തിളയ്ക്കും മുൻപു വാങ്ങുക.