ലഞ്ചു ബോക്സിൽ കൊടുത്തു വിടാൻ വെറൈറ്റി ടുമാറ്റോ റൈസ്, ഈസി റെസിപ്പി!

ടുമാറ്റോ റൈസ്

1.എണ്ണ – രണ്ടു വലിയ സ്പൂൺ

2.കടുക് – ഒരു ചെറിയ സ്പൂൺ

3.ഉഴുന്നു പരിപ്പ് – ഒരു ചെറിയ സ്പൂൺ

ജീരകം – ഒരു ചെറിയ സ്പൂൺ

കറുവാപ്പട്ട – ഒരു ചെറിയ കഷണം

ബേ ലീഫ് – ഒന്ന്

4.ഇഞ്ചി വെളുത്തുള്ളി പേസ്‌റ്റ് – ഒരു ചെറിയ സ്പൂൺ

5.സവാള – ഒന്ന്, പൊടിയായി അരിഞ്ഞത്

പച്ചമുളക് – മൂന്ന്, പൊടിയായി അരിഞ്ഞത്

തക്കാളി, നന്നായി പഴുത്തത് – രണ്ടു വലുത്, പൊടിയായി അരിഞ്ഞത്

6.കശ്മീരി മുളകുപൊടി – ഒരു വലിയ സ്പൂൺ

മഞ്ഞൾപ്പൊടി – അര ചെറിയ സ്പൂൺ

കുരുമുളകുപൊടി – രണ്ടു ചെറിയ സ്പൂൺ

ജീരകംപൊടി – അര ചെറിയ സ്പൂൺ

ഗരംമസാലപ്പൊടി – അര ചെറിയ സ്പൂൺ

7.ബസ്മതി അരി – ഒന്നരക്കപ്പ്, വേവിച്ചത്

8.നാരങ്ങാനീര് – ഒരു ചെറിയ സ്പൂൺ

9.മല്ലിയില, പുതിനയില, പൊടിയായി അരിഞ്ഞത് – കാൽ കപ്പ്

പാകം ചെയ്യുന്ന വിധം

∙പാനിൽ എണ്ണ ചൂടാക്കി കടുകു പൊട്ടിക്കുക.

∙ഇതിലേക്കു മൂന്നാമത്തെ ചേരുവ ചേർത്തു വഴറ്റണം.

∙പച്ചമണം മാറുമ്പോൾ ഇഞ്ചി വെളുത്തുള്ളി പേസ്‌റ്റ് ചേർക്കണം.

∙അഞ്ചാമത്തെ ചേരുവ ചേർത്തു വഴറ്റി തക്കാളി വെന്തുടഞ്ഞു വരുമ്പോൾ ആറാമത്തെ ചേരുവയും ചേർത്തു വഴറ്റണം.

‌∙ബസ്മതി അരി വേവിച്ചതും 9–ാമത്തെ ചേരുവയും ചേർത്തിളക്കി വാങ്ങാം.