ചിക്കൻ കറി ഇങ്ങനെ തയാറാക്കി നോക്കൂ, കലക്കൻ രുചിയാണ്!

മസാല ചിക്കൻ

1.ചിക്കൻ – അരക്കിലോ

2.മഞ്ഞൾപ്പൊടി – കാൽ ചെറിയ സ്പൂൺ

ഉപ്പ് – പാകത്തിന്

നാരങ്ങാനീര് – ഒരു ചെറിയ സ്പൂൺ

3.എണ്ണ – മൂന്നു വലിയ സ്പൂൺ

4.കറുവാപ്പട്ട – രണ്ടു കഷണം

ഇഞ്ചി–വെളുത്തുള്ളി പേ‌സ്‌റ്റ് – രണ്ടു ചെറിയ സ്പൂൺ

കറിവേപ്പില – ഒരു തണ്ട്

5.സവാള – രണ്ട്, പൊടിയായി അരിഞ്ഞത്

6.തക്കാളി അരച്ചത് – അരക്കപ്പ്

7.മുളകുപൊടി – ഒരു ചെറിയ സ്പൂൺ

പെരുംജീരകംപൊടി – അര ചെറിയ സ്പൂൺ

കുരുമുളകുപൊടി – ഒരു ചെറിയ സ്പൂൺ

8.വെള്ളം – മുക്കാൽ കപ്പ്

9.ഗരംമസാലപൊടി – അര ചെറിയ സ്പൂൺ

പാകം ചെയ്യുന്ന വിധം

∙ചിക്കൻ വൃത്തിയാക്കി കഷണങ്ങളാക്കി രണ്ടാമത്തെ ചേരുവ ചേർത്ത് അരമണിക്കൂർ വയ്ക്കുക.

∙പാനിൽ എണ്ണ ചൂടാക്കി ചിക്കൻ കഷണങ്ങൾ അഞ്ചു മിനിറ്റു വറുക്കണം.

∙ഇതേ എണ്ണയിൽ നാലാമത്തെ ചേരുവ വഴറ്റുക.

∙പച്ചമണം മാറുമ്പോൾ സവാള ചേർത്തു വഴറ്റി കണ്ണാടിപ്പരുവമാകുമ്പോൾ തക്കാളി അരച്ചതും ചേർത്തു വഴറ്റണം.

∙പൊടികൾ ചേർത്തു വഴറ്റി പച്ചമണം മാറുമ്പോൾ ചിക്കൻ ചേർത്തു വഴറ്റണം.

∙വെള്ളം ചേർത്തു മൂടി വച്ചു വേവിക്കുക.

∙വെന്തു കുറുകി വരുമ്പോൾ ഗരംമസാലപൊടി ചേർത്തിളക്കി വാങ്ങാം.