ഉച്ചയൂണിന് പാവയ്ക്ക ചേർത്തു തയാറാക്കിയ അവിയൽ, ഇതാ ഈസി റെസിപ്പി!

അവിയൽ

‌1.ചേന – അരക്കിലോ

അച്ചിങ്ങ – 150 ഗ്രാം

കാരറ്റ് – 150 ഗ്രാം

പടവലങ്ങ – 100 ഗ്രാം

പാവയ്ക്ക – 50 ഗ്രാം

കോവയ്ക്ക – 50 ഗ്രാം

മുരിങ്ങയ്ക്ക – 100 ഗ്രാം

പച്ചമാങ്ങ – ഒന്ന്

പച്ചമുളക് – 50 ഗ്രാം

2.മഞ്ഞൾപ്പൊടി – ഒരു ചെറിയ സ്പൂൺ

മുളകുപൊടി – ഒരു ചെറിയ സ്പൂൺ

വെളിച്ചെണ്ണ – അരക്കപ്പ്

ഉപ്പ് – പാകത്തിന്

കറിവേപ്പില – പാകത്തിന്

4.തൈര് – അരക്കപ്പ്

5.തേങ്ങ – ഒന്ന്, ചുരണ്ടിയത്

ജീരകം – 10 ഗ്രാം

6.വെളിച്ചെണ്ണ – മൂന്നു വലി സ്പൂൺ

കറിവേപ്പില – രണ്ടു തണ്ട്

പാകം ചെയ്യുന്ന വിധം

∙ഒന്നാമത്തെ ചേരുവ അവിയലിന്റെ പാകത്തിനു കഷണങ്ങളാക്കി വയ്ക്കണം.

∙ഇതിലേക്കു രണ്ടാമത്തെ ചേരുവ ചേർത്തിളക്കി യോജിപ്പിച്ച ശേഷം അടുപ്പത്തു വച്ചു വേവിക്കുക. കഷണങ്ങൾ വെന്തു വരുമ്പോൾ തൈരു ചേർത്തിളക്കുക.

∙അഞ്ചാമത്തെ ചേരുവ ചതച്ചു ചേർത്തിളക്കി ആവി വരും വരെ മൂടിവച്ചു വേവിക്കുക.

∙ആറാമത്തെ ചേർത്തിളക്കി വാങ്ങാം.