അപാര രുചിയിലൊരു ഘീ റോസ്‌റ്റ്, മഷ്റൂം കൊണ്ടു തയാറാക്കാം ഈസിയായി!

മഷ്റൂം ഘീ റോസ്‌റ്റ്

1.നെയ്യ് – ഒരു വലിയ സ്പൂൺ

2.കൂൺ – 250 ഗ്രാം, അരിഞ്ഞത്

3.നെയ്യ് – ഒരു വലിയ സ്പൂൺ

4.‌വെളുത്തുള്ളി – എട്ട് അല്ലി

കശുവണ്ടിപ്പരിപ്പ് – പത്ത്, കുതിർത്തത്

കശ്മീരി മുളക് – ആറ്, കുതിർത്തത്

വാളൻപുളി – ഒരു വലിയ സ്പൂൺ

ശർക്കര – ഒരു വലിയ സ്പൂൺ

5.ജീരകംപൊടി – ഒരു ചെറിയ സ്പൂൺ

മല്ലിപ്പൊടി – ഒരു ചെറിയ സ്പൂൺ

കുരുകുപൊടി – അര ചെറിയ സ്പൂൺ

മഞ്ഞൾപ്പൊടി – ഒരു നുള്ള്

6.ഉപ്പ് – പാകത്തിന്

7.കറിവേപ്പില – ഒരു തണ്ട്

8.മല്ലിയില, അരിഞ്ഞത് – ഒരു വലിയ സ്പൂൺ

പാകം ചെയ്യുന്ന വിധം

∙പാനിൽ ഒരു വലിയ സ്പൂൺ നെയ്യ് ചുടാക്കി കൂൺ ചേർത്ത് അഞ്ചു മിനിറ്റു വഴറ്റി മാറ്റി വയ്ക്കണം.

∙ഇതേ പാനിൽ ബാക്കിയുള്ള നെയ്യു ചൂടാക്കി മൂന്നാമത്തെ ചേരുവ നന്നായി അരച്ചതു ചേർത്തു വഴറ്റുക.

∙ഇതിലേക്കു നാലാമത്തെ ചേരുവ ചേർത്തു വഴറ്റി പച്ചമണം മാറുമ്പോൾ കറിവേപ്പില ചേർത്തു വഴറ്റണം.

∙വഴറ്റി വച്ചിരിക്കുന്ന കൂൺ ചേർത്തുളക്കി മൂടിവച്ചു പത്തു മിനിറ്റു വേവിക്കുക.

∙മല്ലിയില അരിഞ്ഞതു വിതറി വിളമ്പാം.